मेहकर मराठी बातम्या | Mehkar, Latest News & Live Updates in Marathi | Marathi News (ताज्या मराठी बातम्या) at Lokmat.com

- ब्रम्हानंद जाधव लोकमत न्यूज नेटवर्कबुलडाणा : आशियातील सर्वात मोठी मूर्ती असलेल्या मेहकर येथील शारंगधर बालाजींच्या लोकोत्सवाला १५ वर्ष पूर्ण होत आहेत. गेल्या १४ दिवसांपासून सुरू असलेल्या उत्सवादरम्यान बालाजींच्या चरणी कुरिअरने पुणे, मुंबईची फुले व हार आले. बालाजींच्या विविध पोषाखाने भक्तांना वेगवेगळ्या देवी-देवतांचे दर्शनही घडले.सर्वात मोठे शिल्प व एकाच काळ्या दगडात बनविलेली शारंगधर बालाजी मुर्ती मेहकरसोबतच जिल्ह्याचेही वैभव आहे. मेहकर येथील भगवान शारंगधर बालाजीचे मंदिर शेकडो वर्षांहून जुने आहे. येथील बालाजींचा भक्तवर्ग महाराष्ट्रबरोबरच परराज्यातही आहे. पूर्वी मंदिरातच छोट्या स्वरूपात हा उत्सव पार पडत होता. आता गेल्या १४ वर्षापासून बालाजींचा उत्सव लोकोत्सव झालेला आहे. १ ते १४ डिसेंबर या कालावधीत बालाजी मंदिरात उत्सव पार पडला. या उत्सवाच्या काळात बालाजींसाठी मुंबई, पुणे येथील काही भक्तांनी कुरिअरने वेगवेगळ्या फुलांच्या माळा पाठविल्या. काहींनी बसवर फुलांचे हार पाठविले. तर काही भाविक स्वत: दर्शनासाठी आले. राज्यभरातून येथे भाविकांनी हजेरी लावली. दररोजच्या वेगवेगळ्या आभूषणांनी बालाजींना सजविण्यात आले. वारनिहाय देवी-देवतांचे पोषाख बालाजींना घालण्यात आले. भाविकांनाही आपसुकच वेगवेगळ्या देवतांच्या दर्शनाचा लाभ बालाजींच्या रुपाने घेता आले.मनमोहक रुपवारनिहाय पोषाख व सोने, चांदी आभूषणांनी सजविलेले बालाजींचे मनमोहक रुप भाविकांचे लक्ष वेधणारे होते.असा होता पोषाखरविवारी सुर्यनारायण, सोमवारी भगवान शंकरजी, मंगळवारी जगदंबा देवी, बुधवारी विठ्ठल, गुरूवारी दत्तात्रय, शुक्रवारी बालाजी, शनिवारी नृसिंहाचा पोषाख बालाजींना होता. मंगळवारी मिरवणूक काढण्यात आल्याने महापोषाखात बालाजींचे दर्शन भाविकांना झाले.

मेहकरFOLLOW

Mehkar, Latest Marathi News

कारवाई करण्यात येणार असल्याचा इशारा मुख्याधिकारी सचिन गाडे यांनी केले आहे. ...

पालिका कर्मचारी करवसुलीसोबतच कोरोनाबाबत जनजागृती करताना दिसून येत आहेत. ...

मेहकर येथील कृषी उत्पन्न बाजार समितीचे सभापती माधवराव जाधव यांनी बाजी मारली आहे. ...

गावामध्येही हॉटेल, दवाखाने, किराणा दुकान इत्यादी ठिकाणावर सुद्धा या किटकनाशकांची विक्री होते. ...

१४ डिसेंबरच्या संध्याकाळी ८ च्या दरम्यान येथील ३ मुलींच्या पोटात तीव्र वेदना आणि दातखिळ्या बसने सुरू झाले. ...

गेल्या १४ दिवसांपासून सुरू असलेल्या उत्सवादरम्यान बालाजींच्या चरणी कुरिअरने पुणे, मुंबईची फुले व हार आले. ...