मराठी चित्रपटFOLLOW

मुंबईतील पंचतारांकित हॉटेलमध्ये दिनांक ९ एप्रिल २०२६ रोजी 'आउट ऑफ सिल्याबस: पुस्तकांच्या पलीकडे' (Out Of Syllabus) चित्रपटाचा पोस्टर आणि म्युझिक लाँच सोहळा अगदी दिमाखात पार पडला. मराठी सिनेसृष्टीतील अनेक दिग्गज कलाकारांच्या उपस्थितीत संपन्न झालेल्या या सोहळ्याची सोशल मीडियावर सध्या जोरदार चर्चा रंगली आहे. या प्रेरणादायी चित्रपटाची निर्मिती डॉ. सुगत जी. वाघमारे यांनी ‘अदू-तिशू प्रॉडक्शन्स अँड म्युझिक’च्या बॅनरखाली केली असून दिग्दर्शन नवीन देशबोनिया यांनी केले आहे.चित्रपटाचे वेगळेपण आणि नवी कोरी जोडी'आउट ऑफ सिल्याबस: पुस्तकांच्या पलीकडे' या चित्रपटाच्या पोस्टरने प्रेक्षकांची उत्सुकता कमालीची वाढविली आहे. अभिनेता अजिंक्य राऊत आणि नवोदित अभिनेत्री अद्वयी ही एक फ्रेश जोडी या चित्रपटाच्या निमित्ताने मोठ्या पडद्यावर पदार्पण करत आहे. पोस्टरमध्ये दिसणारा 'पुस्तकी अभ्यास करणारा नायक' आणि 'त्याच्याकडे पाहत बसलेली नायिका' यामुळे कथेविषयी विशेष कुतूहल निर्माण झाले आहे. केवळ पुस्तकी परीक्षेत उत्तीर्ण होण्यापेक्षा आयुष्याची परीक्षा यशस्वीपणे पार पाडण्याची एक थरारक आणि प्रेरणादायी कथा या चित्रपटात मांडण्यात आली आहे.चित्रपटात मुख्य भूमिकेत अजिंक्य राऊत, अद्वयी आणि शेषपाल गणवीर असून त्यांना सानिका तोरस्कर, अभिजित रामचंद्र, मिलिंद शिंदे आणि कमलेश सावंत यांची महत्त्वपूर्ण साथ लाभली आहे. 'अदू-तिशू प्रॉडक्शन अँड म्युझिक' प्रस्तुत हा चित्रपट लवकरच प्रेक्षकांच्या भेटीला येणारदिग्गजांची उपस्थितीया दिमाखदार सोहळ्याला मराठी चित्रपटसृष्टीतील अनेक मान्यवर उपस्थित होते. यात प्रामुख्याने अभिनेते महेश मांजरेकर, वैशाली सामंत, गौरव मोरे, रोहित माने, शिवाली परब, वनिता खरात, रसिका वेंगुर्लेकर, पॅडी कांबळे, कुणाल मेश्राम, अभय जोधपूरकर, सौरभ अभ्यंकर, गोपाळ गावंडे, मोहित कुलकर्णी, संजय पवार, अजिंक्य राऊत, मिलिंद शिंदे, कमलेश सावंत, अद्वयी, अभिजित रामचंद्र, सानिका तोरस्कर आणि शेषपाल गणवीर या कलाकार मंडळींचा समावेश होता.निर्मिती आणि तांत्रिक बाजूया चित्रपटाची तांत्रिक बाजू अतिशय भक्कम असून चित्रपटाचे लेखन अनिकेत कोरडे यांनी केले आहे. तर चित्रपटाचे दिग्दर्शन नवीन देशबोनिया यांनी केले आहे. निर्माते डॉ. सुगत जी. वाघमारे यांनी ‘अदू-तिशू प्रॉडक्शन्स अँड म्युझिक’च्या बॅनरखाली चित्रपटाची निर्मिती केली आहे.तांत्रिक नाविन्य जपत सचिन मनोहराराव ढोकणे यांनी चित्रपटाचे 'AI क्रिएटिव्ह डायरेक्टर' म्हणून काम पाहिले आहे. तर संगीत दिग्दर्शक मोहित कुलकर्णी यांनी संगीताची धुरा सांभाळली असून, वैशाली सामंत, अभय जोधपूरकर आणि गोपाळ गावंडे यांनी गाण्यांना सुमधुर स्वर दिले आहेत. तर मनीष केदार व्यास, सुधीर वड्डेली यांनी छायांकनाची जबाबदारी पेलवली आहे. आणि संकलन अनिल विठ्ठल थोरात यांचे आहे.

लाईव्ह न्यूज :

पुन्हा चर्चेची फेरी की 'फैरी'?

भोंदू खरातचे काळे कारनामे

IPL मधले 'धुरंधर' कोण?

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

मराठी चित्रपटFOLLOW

Marathi Movie : 2022 मध्ये प्रदर्शित झालेल्या सर्व नवीनतम मराठी चित्रपटांची यादी ट्रेलर आणि पुनरावलोकनांसह पहा.

Read more

फिल्मी : रमेश चौधरी यांच्या शैलीतून उलगडणार ‘सालबर्डी’चा थरार, चाहत्यांमध्ये उत्सुकता

फिल्मी : गिरिजा ओक मराठी चित्रपटांमध्ये फारशी का दिसत नाही? अभिनेत्रीने स्वत:च सांगितलं कारण, म्हणाली...

फिल्मी : Asha Bhosle: बॉलिवूड नव्हे तर 'या' मराठी चित्रपटासाठी आशा भोसलेंनी गायलेले पहिले गाणे, तुम्ही ऐकलंय का?

फिल्मी : 'कलरफूल' हे नाव पूजा सावंतला कसं पडलं? अभिनेत्रीने स्वत:च सांगितला किस्सा, 'दगडी चाळ' सिनेमाशी कनेक्शन

फिल्मी : फोटोत दिसणाऱ्या चिमुकलीला ओळखलंत? मराठी सिनेसृष्टीतील प्रसिद्ध अभिनेत्री; आईवडीलही सेलिब्रिटी

फिल्मी : पूजा सावंत, ओंकार भोजने आणि...; 'सालबर्डी' सिनेमात दिसणार दमदार स्टारकास्ट, 'या' दिवशी रिलीज होणार सिनेमा