राज्यात अन्न प्रक्रिया उद्योगात १० हजार कोटींची गुंतवणूक

औरंगाबाद : राज्यात आगामी काळात अन्य प्रक्रिया उद्योगांत १० हजार कोटींची गुंतवणूक केली जाईल. यासाठी केंद्रीय अन्न व प्रक्रिया उद्योग मंत्रालयाने राज्यात २,५०० कोटींतून १०९ सुविधा प्रकल्पांची कामे करण्याची योजना आखल्याचे केंद्रीय मंत्री हरसिमरत कौर बादल यांनी गुरुवारी स्पष्ट केले.पैठण तालुक्यातील धनगाव येथील पैठण मेगा फूडपार्क प्रा. लि.च्या उद्घाटनप्रसंगी बादल बोलत होत्या. यावेळी राज्याचे उद्योगमंत्री सुभाष देसाई, महापौर नंदकुमार घोडेले, खासदार रावसाहेब दानवे, चंद्रकांत खैरे, आमदार संदीपान भुमरे, अतुल सावे, डॉ. प्रकाश केसरवाल, नाथ गु्रपचे नंदकिशोर कागलीवाल, सतीश कागलीवाल, आकाश कागलीवाल आदी मान्यवर उपस्थित होते. यावेळी बादल म्हणाल्या की, राज्यात पैठणसह ३ मेगाफूडपार्क झाले आहेत. राज्यात १०९ प्रकल्प राज्यात मंजूर केले आहेत. ५३ कोल्ड स्टोरेज, १८ अन्न प्रयोगशाळा, ८ मिनी फूडपार्क, २५ इतर युनिटस्चा त्यात समावेश आहे. इतर देशांत ८० टक्के अन्नपदार्थांवर प्रक्रिया केली जाते. पायाभूत सुविधा कमी असल्याने भारतात याचे प्रमाण कमी आहे. त्यासाठी फूडपार्क ही संकल्पना प्रत्यक्षात आणली जात आहे. मागील सरकारने ४२ पार्क मंजूर केले; परंतु दोन पूर्णत्वास गेले. या सरकारच्या काळात ३० पार्क पूर्णत्वाकडे जातील.बादल यांनी माहिती दिली की, कोल्ड स्टोरेजसाठी साखळी योजना राबविण्याचे प्रयत्न सुरू आहेत. राज्याला ७० हजार स्टोरेजची गरज असून, सध्या १० हजार उपलब्ध आहेत. भारताबाहेरील देशात ७० टक्के अन्न स्टोरेजमध्ये ठेवले जाते. भारतात हे प्रमाण अवघे ४ टक्के आहे. हे प्रमाण वाढण्यासाठी कृषी संपदा योजनेतून ६ हजार कोटींची तरतूद केली आहे.फूडपार्कसाठी ५० कोटींपर्यंतचे अनुदान दिले जाणार आहे. त्यात कोल्ड स्टोरेजसाठी १० कोटींची तरतूद असेल. १० एकर जागेत ५ युनिट लावले, तर त्यासाठी ३५ कोटींची सबसिडी दिली जाईल.बिडकीनमध्ये लवकरच महत्त्वाचा प्रकल्पशेंद्रा डीएमआयसीअंतर्गत बिडकीन इंडस्ट्रियलपार्कमध्ये लवकरच या परिसराचा संपूर्ण चेहरामोहरा बदलून टाकणारा महत्त्वाकांक्षी प्रकल्प येईल, असा विश्वास उद्योगमंत्री सुभाष देसाई यांनी व्यक्त केला. येथे डिफेन्स झोन तयार करण्याचा प्रयोग केला जाणार आहे ज्यासाठी १० उद्योजक पुढे आले आहेत. तसेच मराठवाड्यात वस्त्रोद्योगासाठी टेक्स्टाईलपार्क सुरू करण्याचा प्रयत्न आहे. याचा कापूस उत्पादकांना लाभ होईल.

महाराष्ट्रFOLLOW

Maharashtra, Latest Marathi News

जाणून घ्या, राज्यात दिवसभरात घडलेल्या महत्त्वाच्या घडामोडी... ...

मुंबईतील अरुंद रस्ते, रेल्वे स्थानकांलगतचा परिसर या ठिकाणाहून बाइक अ‍ॅम्ब्युलन्ससाठी मोठ्या प्रमाणात ...

सी. के . नायडू चषक क्रिकेट ...

राम मंदिरासाठी कायदा बनविण्याची मागणी; 25 नोव्हेंबर रोजी हुंकार सभा ...

जाणून घ्या, राज्यात दिवसभरात घडलेल्या महत्त्वाच्या घडामोडी... ...

: राज्यात आगामी काळात अन्य प्रक्रिया उद्योगात १० हजार कोटींची गुंतवणूक होईल. ...

गृहनिर्माण संस्थांना दिलासा देणाऱ्या राज्य सरकारच्या या नव्या निर्णयानुसार, ज्या गृहनिर्माण संस्थांच्या ...

मिनी फूडपार्क योजना : २,५०० कोटींची तरतूद केल्याची घोषणा ...