जितेंद्र आव्हाडFOLLOW

लोकमत न्यूज नेटवर्क, ठाणे : दहीहंडीचा सण आपण मोठ्या प्रमाणात साजरा केला. अन् गल्लीत बालगोपाळांपुरता मर्यादीत असलेला हा सण आंतरराष्ट्रीय स्तरावर गेला. आता कोकणातील पालखी नृत्य आपण ठाण्यात साजरा करीत आहोत. आता हा सण आणि ही पालखी नृत्याची संस्कृती आपण आंतरराष्ट्रीय स्तरावर घेऊन जाऊ, अशी घोषणा राष्ट्रवादी काँग्रेसचे नेते आमदार जितेंद्र आव्हाड यांनी केली. कळवा येथील खारलँड मैदानावर डाॅ. जितेंद्र आव्हाड यांनी शिमगोत्सव आणि पालखी नृत्य स्पर्धेचे आयोजन करण्यात आले होते. या शिमगोत्सवात जितेंद्र आव्हाड यांनी शहराध्यक्ष आनंद परांजपे यांच्यासह ग्रामदेवतेची पालखी खांद्यावर घेऊन नृत्य केले. या प्रसंगी आव्हाड बोलत होते. म्हणाले की, कोकणी माणूस हा संस्कृती आणि गाव प्रिय असणारा माणूस आहे. आज जी मुंबई आपणाला दिसत आहे. या मुंबईला घडविण्यात कोकणी माणसाचा मोठा वाटा आहे. येथील मिलमध्ये कोकणी माणूसच आधी नोकरीला लागला. कोकणी माणूस शिमगा आणि गणपतीला जसा न चुकता गावी जातो. तसाच तो आपल्या जीवनात आणि व्यवहारातही काटेकोर आहे. कोकणी माणूस कधीच वीजबिल बुडवत नाही. कोकणी माणूस कधीच कर्ज फेडीपासून दूर पळत नाही. तसेच, शेतीवर कितीही संकटे आली तरी तो आत्महत्या करीत नाही; तो लढतो. आपण जो शिमगोत्सव आणि पालखी नृत्य स्पर्धा आयोजित केली आहे. त्या स्पर्धेसाठी आधी उक्षीच्या ग्रामदेवतेसमोर कौल लावण्यात आला होता. देवीने कौल दिल्यानंतरच आपण येथे पालखी आणली. पुढील वर्षी पुन्हा देवीला कौल लावू आणि आज जेवढ्या उत्साहात हा महोत्सव साजरा केला. त्याच्या दुप्पट उत्साहात शिमगोत्सव साजरा करू. सलग चार दिवसांचा कोकण महोत्सव, त्यामध्ये कोकणातील सर्वच तालुक्यांतील महत्वाच्या गावांतील पालख्या या स्पर्धेत सामावून घेऊ. ही स्पर्धा आजच्या पेक्षा अधिक भव्य दिव्य करून दहीहंडीप्रमाणेच पालखी नाचवण्याची ही संस्कृतीदेखील जगभर पोहचवू, असे आश्वासनही त्यांनी दिले. संगमेश्वरच्या गांगोबा करंबेळे संघाने पटकावला प्रथम क्रमांक या ठिकाणी झालेल्या पालखी नृत्य स्पर्धेत सुमारे अकरा संघ सहभागी झाले होते. अत्यंत चुरशीच्या झालेल्या या स्पर्धेत २ लाख १० हजार रूपयांचे पहिले पारितोषिक संगमेश्वरच्या गांगोबा करंबेळे संघाने पटकावले. दुसरे 1 लाख 51 हजारांचे पारितोषिक राजापूरच्या रामेश्वर चिचवाडी संघाने, तिसरे 1 लाख 1 हजाराचे पारितोषिक वाघजाई मानोबा पालखी नृत्य पथक माखजन, संगमेश्वर यांनी पटकाविले.तर श्री. नागेश्वर, रत्नागिरी (सोमेश्वर), तालुका रत्नागिरी, श्री. वाघजाई, उक्षि, ता. रत्नागिरी, सुखाई देवी, चिंचघरी, चिपळूण. तालुका चिपळूण, जय त्रिमुख, मठ, तालुका लांजा., श्री वाघजाई देवी पालखी नृत्य पथक, तणाली, ता. चिपळूण, जय सांबा,पाटगाव,देवरूख,तालुका संगमेश्वर, काळकाई पा. नृ. प. कुशिवडे, तालुका चिपळूण, माखजन, ता. संगमेश्वर आणि पद्मावती , मार्गताम्हाणे, तालुका गुहागर यांना उत्तेजनार्थ 25 हजार रूपयांचे पारितोषिक देण्यात आले.सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"

लाईव्ह न्यूज :

युद्धविरामावरून वाक्-युद्ध

'आप'मध्ये उभी फूट

निवडणुकीचे वारे

PM नरेंद्र मोदी

IPL 2026

भोंदू खरातचा पर्दाफाश

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

जितेंद्र आव्हाडFOLLOW

Read more

महाराष्ट्र : Jitendra Awhad : नुसतं बाजूला केलं तर एवढा आरोप झाला अन् जर...; आव्हाडांनी सांगितलं 'तेव्हा' नेमकं काय घडलं

मुंबई : आमदार जितेंद्र आव्हाडांच्या विशेषाधिकाराबाबत विधानसभा अध्यक्षांनी स्पष्टच सांगितलं

ठाणे : ऋता आव्हाडांसह NCP चा पोलिस ठाण्यासमोर ठिय्या, तक्रारदार महिलेवरही गुन्हा?

महाराष्ट्र : साडेसतरा वर्षे गृहखाते NCP कडे होते मात्र...; अजित पवारांनी फडणवीसांना सुनावले

पुणे : जितेंद्र आव्हाडांवर विनयभंगाचा गुन्हा दाखल झाल्यानंतर काय म्हणाल्या सप्रिया सुळे?

महाराष्ट्र : Jitendra Awhad Rupali Chakankar: जितेंद्र आव्हाडांच्या कृत्याबद्दल महिला आयोगाच्या रूपाली चाकणकर गप्प का?

मुंबई : Maharashtra Politics: “पोलीस नियमांनुसार कार्यवाही करतील, राजकीय सूडभावनेतून कारवाई नाही”: CM शिंदे स्पष्टच बोलले

मुंबई : Maharashtra Politics: “होय, मी जितेंद्र आव्हाडांसोबत, ते आमचे भाऊ असल्याचा आम्हाला अभिमान आहे”; सुषमा अंधारे