जालना मराठी बातम्या | Jalana, Latest News & Live Updates in Marathi | Marathi News (ताज्या मराठी बातम्या) at Lokmat.com

छत्रपती संभाजीनगर : चिकलठाणा येथील विमानतळ ते वाळूज एमआयडीसीपर्यंत उड्डाणपुलाचे काम दोन टप्प्यात करण्याची घोषणा मुख्यमंत्री देवेंद्र फडणवीस यांनी शुक्रवारी राज्याच्या अर्थसंकल्पात केली.२४ एप्रिल २०२२ रोजी केंद्रीय दळणवळण मंत्री नितीन गडकरी यांनी या प्रकल्पाची घोषणा एनएचएआयमार्फत केली होती. त्यासाठी मनपाने एका संस्थेकडून कोट्यवधी रुपये खर्चून डीपीआर तयार करून घेतला; परंतु काही कारणास्तव रखडलेल्या या प्रकल्पाची घोषणा राज्य शासनाने केली आहे. महापालिकेच्या जाहीरनाम्याने भाजपने या प्रकल्पाचा अंतर्भाव केला होता. ओबीसी कल्याणमंत्री अतुल सावे म्हणाले, उन्नत मार्ग म्हणजेच उड्डाणपुलाची ती घोषणा आहे. येत्या काळात त्यासाठी तांत्रिक बाबींची जुळवाजुळव होईल. जालना रोडवरील वाहतूक कमी करण्याससह वाळूज आणि शेंद्रा एमआयडीसी कनेक्ट होण्यासाठी या पुलाचा मोठा वाटा असू शकेल.किमान २ हजार कोटींचा प्रकल्पसंबंधित उड्डाणपूल बांधणीसाठी किमान २ हजार कोटींचा खर्च लागेल. पुलाची उंची, फोर लेन, सिंगल पिलर की डबल पिलर, लँडिंग, आऊटलेट याच्या डिझाइनवर सगळ्या खर्चाच्या बाबी अवलंबून आहेत. अहिल्यानगरमधील उड्डाणपुलाचा खर्च साधारणत: प्रतिकिमी ९० कोटींपर्यंत गेला आहे. त्याच धर्तीवर चिकलठाणा ते वाळूजपर्यंतच्या सुमारे १८ किमीपर्यंतच्या पुलास २ हजार कोटीचा निधी लागणे अपेक्षित आहे.तीन वर्षांपूर्वीच्या डीपीआरमध्ये काय होते?शेंद्रा एमआयडीसी ते वाळूज एमआयडीसीपर्यंत २५ किमी अंतरात डबलडेकर पूल म्हणजे खाली रस्ता, वर पूल व मेट्रो असा प्रस्ताव पहिला डीपीआर होता. यात उड्डाणपूल १६ किमी चौपदरी आणि ९ किमीच्या डबलडेकर पुलाचा समावेश होता. त्यात शेंद्रा एमआयडीसी ते चिकलठाणा या चौपदरी उड्डाणपुलाची लांबी साडेसात किमी होती.नवीन घोषणेत काय आहे?चिकलठाणा ते क्रांती चौक मार्गे वाळूज एमआयडीसीपर्यंत १८ किमीचा चौपदरी उड्डाणपूल असू शकेल. परंतु, नवीन घोषणेत विमानतळ ते वाळूजपर्यंत उन्नत मार्ग करण्याची घोषणा आहे. यासाठी डीपीआर, खर्च याबाबी अद्याप समोर आलेल्या नाहीत.निवडणुकीच्या जाहीरनाम्यात भाजपचा शब्दजालना रोडवर भुयारी मार्ग आणि उड्डाणपूल उभारण्याचा शब्द भाजपने मनपा निवडणूक जाहीरनाम्यात दिला होता. रोडच्या उत्तर व दक्षिण या भागांची कनेक्टिव्हिटी वाढविण्याच्या दृष्टीने भुयारी मार्ग, उड्डाणपुलाची गरज असणार आहे. यासाठी शासनाकडे पाठपुरावा करण्याचा शब्द भाजपने दिला होता. चिकलठाणा ते वाळूजपर्यंत एक्सलग फ्लायओव्हर करण्यासह शेंद्रा ते वाळूज व बिडकीन ते हर्सूल निओ मेट्राेच्या सुविधेसाठी प्रयत्न करणार असल्याचे भाजप जाहीरनाम्यात म्हटले हाेते.

जालनाFOLLOW

Jalana, Latest Marathi News

स्टॅम्पसाठी जादा पैसे मागणे पडले महागात; जालन्यात कारवाई. ...

वाळू आणि जुगार अड्ड्यांसाठी पोलिसांची हप्तेखोरी, महसूल विभागही मागे नाही ...

वाळूचा टिप्पर सोडण्यासाठी लाच घेताना पोलीस निरीक्षक आणि कर्मचारी एसीबीच्या जाळ्यात ...

जालन्यात लाचखोर अधिकाऱ्याला दणका! बिल मंजूर करण्यासाठी पैसे घेणं पडलं महागात; सीइओंची कडक कारवाई ...

Jalna Crime: मंठा तालुक्यातील खळबळजनक घटना, आठ जणांच्या विरुद्ध गुन्हा दाखल ...

यामुळे बांधकाम क्षेत्राला फटका बसला असून, नवीन घर खरेदी करणाऱ्यांचे बजेट कोलमडण्याची चिन्हे आहेत. ...

नियमबाह्य नियुक्ती आणि निधी डावलल्याप्रकरणी जिल्हा प्रशासनाला हायकोर्टाचे समन्स ...

चिकलठाणा ते वाळूज उड्डाणपुलाचा मार्ग मोकळा; अर्थसंकल्पातील घोषणेमुळे जालना रोडचे भाग्य उजळणार ...