गणेशोत्सव 2024 Live Updates | Ganesh Chaturthi 2024| Ganpati Festival Celebration 2024| Lokmat.com

यंदाचा गणपती उत्सव म्हणता म्हणता जवळ आला, गोविंदा झाला आता वेध लागले ते कोकणात गणपतीसाठी जाण्याचे. गणपतीसाठी मुंबई - पुणे टोल माफ करण्याची गोषणा केली आहे खरी पण त्यासाठी तुम्हाला विशिष्ट प्रक्रिया पोलीस ठाण्यात जाऊन पार पाडावी लागणार आहे. पोलिसांकडून पत्र दिले जाईल व टोल माफ होईल... टोल असो की नसो पण गणपतीला कोकणात जायचे आहे. कोकणातील मुंबई गोवा रस्ता चौपदरीकरणाच्या कामात गेल्या सुमारे ४ वर्षांपासून पनवेल ते अगदी इंदापूरपर्यंत अडकून पडला आहे व खराब स्थितीत आहे. नेहमीची ही रड कोकणातील लोकांना मात्र गणपतीला जाण्यापासून रोखू शकलेली नाही हे ही तितकेच खरे.गणपतीसाठी कोकणवासी मुंबई व पुणेस्थितांच्या मनातरी सज्ज झाल्या आहेत फक्त प्रवासापूर्वी काही काळजी घ्या. कारचे ब्रेक्स, टायर्स, ब्रेक ऑईल, इंजिन ऑईल, कूलन्ट, आदी सर्व प्रकारच्या तेलांची स्थिती तपासा व टॉप अप करा. हेडलॅम्प, टेल लॅम्प, ब्रेक लाईट नीट आहेत ना, व्हील बॅलन्सिंगही करून घेतले आहे ना, वायपर्स नीट चालू आहेत ना, एकूणच लांबच्या प्रवासाला जाण्यासाठी तुमची मोटार प्रवासापूर्वी सज्ज ठेवा. तुमच्या सोयीप्रमाणे तुम्ही कसेही निघू शकता, फक्त रस्त्यावर असणारी वाहनांची कोंडी असली तरी घाई करू नका, कारण शेवटी सुरक्षित प्रवास हा अधिक महत्त्वाचा आहे.काही कोकणातील प्रवासासाठी काही मार्ग नक्की लक्षात ठेवा. त्यामुळे मुंबई गोवा मार्गावरील पनवेल ते इंदापूर या पट्ट्याला टाळू शकाल. मार्ग १- मुंबई - पनवेल - पुणे महामार्ग जुना किंवा एक्स्प्रेस वे - खोपोली - पाली - विळे- निजामपूर- माणगावमार्गे मुंबई-गोवा रस्त्यावर येता येईल व नंतर मुंबई- गोवा मार्गावरून कोकणात पुढे सरकता येईल. मार्ग २ - मुंबई - पनवेल - पुणे महामार्ग जुना किंवा एक्स्प्रेस वे - खोपोली - पाली - वाकण - इंदापूर - माणगावमार्गे मुंबई-गोवा रस्त्यावर येता येईल व नंतर मुंबई- गोवा मार्गावरून कोकणात पुढे सरकता येईल.मार्ग ३- मुंबई - पनवेल - पुणे महामार्ग जुना किंवा एक्स्प्रेस वे - खोपोली - पुणे- पुणे- कोल्हापूर मार्गे भोर घाटातून महाडकडे उतरणे. तसेच वाई- पाचगणी- महाबळेश्वरमार्गे पोलादपूरलाही उतरून नंतर मुंबई- गोवा मार्गावरून कोकणात पुढे सरकता येईलमार्ग ४- मुंबई - पनवेल - पुणे महामार्ग जुना किंवा एक्स्प्रेस वे - खोपोली - पुणे- पुणे- कोल्हापूर मार्गे पाटण- कोयनामार्गे कुंभार्ली घाटातून चिपळूणला व तेथून मुंबई- गोवा मार्गावरून कोकणात पुढे सरकता येईल.मार्ग ५- मुंबई - पनवेल - पुणे महामार्ग जुना किंवा एक्स्प्रेस वे - खोपोली - पुणे- पुणे- कोल्हापूर मार्गे मलकापूर- आंबा घाट - साखरपा पाली मार्गे लांजाकडे जाऊन पुणे मुंबई - गोवा महामार्गावरून कोकणात पुढे सरकता येईल. याशिवाय मार्ग क्रमांक ५ प्रमाणेच कोल्हापूरमार्गे आंबोली मार्गेही सावंतवाडीला जाता येईल. ढोबळमानाने दिलेलेल हे मार्गही गणपतीच्यावेळेत अधिक वाहतुकीचे असतात. या एकंदर मार्गावरून कोकणात जाण्याचा मार्ग मुंबई - गोवा मार्गाच्या नेहमीच्या रस्त्यापेक्षा जास्त अंतराचा आहे. रुंदीला मोठा व तीनपदरी असल्याने वाहनांचा वेग वाढवण्याचा मोह होत असतो. अशावेळी कायम मनावर व वाहनाच्या वेगावर नियंत्रण ठेवणे अतिशय गरजेचे आहे. टुरिस्ट कारनेही जात असला तरीही त्याच्या चालकाकडून उतावळेपणाने व घाईने ड्रायव्हिंग होत असेल, तर वेळीच रोखा. स्वतः कार चालवतानाही घाईगर्दीने ड्रायव्हिंग करू नका. गणपतीला वेळेत पोहोचणे काहीवेळा शक्य नसले तरी विनाकारण रॅश व रफ ड्रायव्हिंग करीत वेगाला अनियंत्रित करू नका. तुमच्या प्रवासात सर्वांची सुरक्षितता हीच तुमच्या वाहनचालनाची मोठी जबाबदारी असते, हे पक्के ध्यानात ठेवूनच स्थिर चित्ताने कोकणाच्या प्रवासाचा आनंद घ्या.

Ganpati Festival 2024 FOLLOW

Ganpati festival, Latest Marathi News