फेसबुकFOLLOW

लोकमत न्यूज नेटवर्कनागपूर : विदेशी फेसबुक फ्रेंडने लंडनमधून स्वस्तात वैद्यकीय शिक्षणाची पुस्तके पाठवते, असे सांगून मेडिकलच्या एका विद्यार्थ्याला १ लाख ४३ हजार रुपयाचा गंडा घातला. याप्रकरणी सोमवारी अजनी पोलीस ठाण्यात फसवणुकीचा गुन्हा दाखल करण्यात आला आहे.पीडित तरुण २५ वर्षांचा असून पोलिसांच्या माहितीनुसार, तो मेडिकलचा अंतिम वर्षाचा विद्यार्थी आहे. काही दिवसांपूर्वी फेसबुकवरून लंडनच्या इसाबेला लुसी नामक एका तरुणीसोबत त्याची मैत्री झाली. त्यानंतर हे दोघे ऑनलाईन संपर्कात होते. दोघांनीही एकमेकांबाबतची कौटुंबिक, व्यवसाय आणि शैक्षणिक माहिती एकमेकांना आदानप्रदान केली. लुसीने पीडित विद्यार्थ्याला आपला शैक्षणिक साहित्य आणि पुस्तके विकण्याचा व्यवसाय असल्याचे सांगितले. आमच्याकडे अत्यंत स्वस्त किमतीत वैद्यकीय शिक्षणाची पुस्तके मिळत असल्याचेही तिने सांगितले. त्यामुळे पीडित तरुणाने तिला आपल्यासाठी काही चांगली पुस्तके पाठविण्यास सांगितले. २९ जूनला लुसीने फोन करून पीडित तरुणाला त्याची पुस्तके दिल्लीतील कस्टम अधिकारी प्रिया शर्मा हिच्या माध्यमातून पाठविल्याचे सांगितले.ही पुस्तके मिळविण्यासाठी कथित कस्टम अधिकारी प्रिया शर्माचा मोबाईल नंबरही पीडित तरुणाच्या मोबाईलवर पाठवला. त्यावर विश्वास ठेवून पीडित तरुणाने प्रिया शर्मासोबत संपर्क साधला. शर्माने पीडित विद्यार्थ्याला दिल्लीतील आसिफ खान नामक व्यक्तीचा बँक खात्याचा नंबर दिला. हे आमचे कस्टम विभागप्रमुख आहेत, असे सांगून त्यांच्या खात्यात रक्कम जमा केल्यानंतर पुस्तके मिळतील, असे सांगितले. त्यानुसार विद्यार्थ्याने आसिफ खानच्या खात्यात इंटरनेट बँकिंगच्या माध्यमातून १ लाख ४३ हजार रुपये जमा केले. २९ जूनच्या सकाळी ११ ते दुपारी १ वाजेपर्यंत हा व्यवहार पार पडला. त्यानंतर विद्यार्थ्याने पुस्तकांची डिलिव्हरी मागितली असता आरोपी टाळाटाळ करू लागले. ते असंबंद्ध माहिती देत असल्याचे लक्षात आल्यानंतर विद्यार्थ्याला संशय आला. त्यामुळे त्याने आरोपींना तातडीने पुस्तक द्या अन्यथा पोलिसांकडे तक्रार करतो, असे म्हटले. त्यानंतर आरोपींनी पीडित विद्यार्थ्यांसोबत संपर्क तोडला. आपली फसवणूक झाल्याचे लक्षात आल्यामुळे पीडित विद्यार्थ्याने सायबर शाखेत धाव घेतली. तेथून चौकशी झाल्यानंतर याप्रकरणी सोमवारी अजनी पोलीस ठाण्यात फसवणुकीचा गुन्हा दाखल करण्यात आला.लुसीनेच पाठविली होती फ्रेंड रिक्वेस्टया प्रकरणात कथित प्रिया शर्मा आणि आसिफ खानचे नाव आले असले तरी मुख्य सूत्रधार इसाबेला लुसी हीच असावी, असा संशय आहे. तिनेच नऊ महिन्यापूर्वी विद्यार्थ्याला फेसबुकवर फ्रेंड रिक्वेस्ट पाठविली होती. त्याच्य संबंधीची आर्थिक, कौटुंबिक माहिती घेतल्यानंतर त्याला कशा पद्धतीने फसवता येईल, याबाबतचा कट लुसीनेच रचला असावा, असा पोलिसांचा संशय आहे. पोलीस कथित लुसी आणि तिच्या साथीदारांचा तपास करीत आहेत.

लाईव्ह न्यूज :

महिला आरक्षण विधेयक

ट्रम्प पाकिस्तानला जाणार?

TCS मधील धर्मांतर प्रकरण

अमरावती अश्लील व्हिडीओ प्रकरण

भोंदू खरातचा पर्दाफाश

मुंबई (इंडियन्स)ला 'ट्रॅक' सापडेना

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

फेसबुकFOLLOW

Read more

सोशल वायरल : दोन तोंडाचा मासा इंटरनेटवर व्हायरल; फोटो पाहून तुम्हीही व्हाल अवाक्

तंत्रज्ञान : आता फेसबुक आणि व्हॅाट्सअ‍ॅपसाठी करावे लागणार आधार कार्ड लिंक ?

राष्ट्रीय : 'फेसबुक अन् व्हॉट्सअ‍ॅपला आधार कार्डशी लिंक करा', हायकोर्टात याचिका

फिल्मी : Be Alert! मराठीतील प्रसिद्ध अभिनेत्रीचं दुसऱ्यांदा फेसबुक पेज झालं हॅक, इंस्टावर केला खुलासा

जरा हटके : फुकटात घरी जाण्यासाठी 'या' मुलाने असा केला जुगाड, पैसेही वाचले अन् भूकही मिटली

तंत्रज्ञान : Facebook वर नवं फीचर येणार, चित्रपटाच्या शो-टाईमचं नोटिफिकेशन मिळणार

सोशल वायरल : ... म्हणून सापाने स्वतःलाच खाण्यास सुरूवात केली; पाहा धक्कादायक व्हिडीओ

सोशल वायरल : VIDEO : मगरीने जबडा उघडताच माणसाने कलिंगड टाकलं आणि मग...

तंत्रज्ञान : स्मार्टफोनमधील कॉन्टॅक्ट्स फेसबुकवरही अपलोड आहेत का?; असे करा डिलीट

तंत्रज्ञान : अ‍ॅपल लवकरच देणार फेसबूक, व्हॉट्सअ‍ॅप युजरना जोरदार धक्का; कॉलिंग बंद होणार?