डॉक्टर मराठी बातम्या | doctor, Latest News & Live Updates in Marathi | Marathi News (ताज्या मराठी बातम्या) at Lokmat.com

शिरढोण : परदेशातून एक काेटीचा निधी मिळवून देण्याच्या आमिषाने कवठेमहांकाळ येथील डॉ. विलास कृष्णा खोत यांना २५ लाखांचा गंडा घालण्यात आला. याप्रकरणी तुकाराम पांडुरंग यमगर (रा. बेवणूर, ता. जत) याला कवठेमहांकाळ पाेलिसांनी अटक केली असून, न्यायालयाने त्याची १० मार्चअखेर पाेलिस काेठडीत रवानगी केली आहे. दुसरा संशयित रजनीभाई गोवर्धनभाई रूपारिलीया (रा. राजकोट, गुजरात) हा पसार झाला आहे.डॉ. विलास खोत यांचे कवठेमहांकाळ येथे ‘महांकाली हॉस्पिटल’ नावाचे रुग्णालय आहे. तुकाराम यमगर व रजनीभाई रूपारिलीया यांनी या रुग्णालयासाठी परदेशातून एक कोटी रुपये निधी मिळवून देण्याचे आमिष डॉ. खाेत यांना दाखविले. त्यांना विश्वासात घेतले. एक कोटीचा निधी मिळवण्याकरिता प्रथम पंचवीस लाख रुपये अनामत म्हणून भरावे लागतील, भरलेली रक्कमही तुम्हाला परत मिळेल, असे त्यांनी सांगितले.त्यांच्यावर विश्वास ठेवत डॉ. खोत यांनी २५ लाख रुपये दाेघांना दिले. मात्र पैसे घेतल्यानंतर त्यांनी पैसे मिळवून देण्याबाबत टाळाटाळ सुरू केली. हे लक्षात आल्यानंतर डॉ. खाेत यांनी त्यांच्याकडे दिलेले २५ लाख रुपये परत करण्याची मागणी केली. मात्र ही रक्कम देण्यासही यमगर व रूपारिलीया टाळाटाळ करू लागले.फसवणूक झाल्याचे लक्षात आल्यानंतर डॉ. खाेत यांनी कवठेमहांकाळ पोलिस ठाण्यात फिर्याद दिली. त्यानुसार पोलिसांनी तुकाराम यमगर, रजनीभाई रूपारिलीया यांच्याविरोधात गुन्हा दाखल केला. यमगर याला अटक केली असून, रुपारिलीया फरार झाला आहे. बुधवारी यमगरला न्यायालयापुढे उभे केले असता, त्याला १० मार्चपर्यंत पोलिस कोठडी सुनावण्यात आली आहे. सहायक पोलिस निरीक्षक सागर गोडे अधिक तपास करीत आहेत.

डॉक्टरFOLLOW

Doctor, Latest Marathi News

डॉ. सपना ठाकरे यांचा जन्म प्रतापपूर ता.साक्री येथे ४ जुलै १९७९ ला झाला ...

कोरोनाच्या काळात केली होती उल्लेखनीय कामगिरी ...

रुग्ण हनुमंत सोपान वाडेकर ( रा. वाडेकर स्थळ शिरोली ता. खेड ) याच्याविरुद्ध खेड पोलीस ठाण्यात गुन्हा दाखल ...

पीडित डॉक्टरच्या फिर्यादीवरून डॉ. फारूख ईलाही बागवान याच्यावर विनयभंगाचा गुन्हा दाखल झाला आहे. ...

महात्मा ज्योतिराव फुले जनारोग्य योजनेत आता 5 लाखांपर्यंत उपचार करता येणार! ...

कवठेमहांकाळ पाेलिसांनी एकास केली अटक ...