- सदानंद नाईक उल्हासनगर - जागतिक महिला दिनाचे औचित्य साधून प्रभाग क्रं-१८ च्या नगरसेविका अंजली साळवे यांच्या वतीने १४ आणि १५ मार्च रोजी महिला महोत्सवाचे आयोजित केले होते. कॅन्सर अवेअरनेस या मुख्य संकल्पनेवर आधारित असलेल्या या महोत्सवात हजारो महिलांनी उत्स्फूर्त सहभाग नोंदवला.
उल्हासनगर पुर्व येथे झालेल्या दोन दिवसीय महिला महोत्सव कार्यक्रमात डॉ. अवंतिका फुंडे यांनी एचपीव्ही लसीकरणाचे महत्त्व महिलांना पटवून दिले, तर ॲड. उज्वला खाडे आणि प्रल्हाद जाधव यांनी अनुक्रमे कौटुंबिक हिंसाचार व सायबर क्राईम विषयावर मार्गदर्शन केले. शहरातील आशा सेविकांनी पथनाट्याद्वारे गर्भाशयाच्या कॅन्सरबाबत जनजागृती केली. महोत्सवात पिंक मॅरेथॉन, रांगोळी, पाककला, डान्स (आई-मुलगी), फॅशन शो आणि रील मेकिंग स्पर्धांचे आयोजनही केले होते. त्यामुळे महोत्सवाला वेगळीच रंगत आली होती.
महोत्सवात महिला बचत गटांना हक्काची बाजारपेठ मिळवून देण्यासाठी विविध वस्तूंचे स्टॉल्स उपलब्ध करून देण्यात आले होते. या कार्यक्रमाला महापौर अश्विनी कमलेश निकम, शिवसेना गटनेते अरुण आशान, स्थानिक नगरसेवक राजेश वानखेडे यांच्यासह अनेक मान्यवर उपस्थित होते. यावेळी १० वी व १२ वी मध्ये ९०% पेक्षा जास्त गुण मिळवणाऱ्या विद्यार्थिनींचा आणि विशेष कार्य करणाऱ्या महिलांचा गौरव करण्यात आला. महिलांसाठी होम मिनिस्टर (पैठणी खेळ) खेळ घेण्यात आला. निशिगंधा पोतदार, पूजा भामरे व सोनाली स्थूल ह्या पैठणी विजेत्या ठरल्या. 'क्राईम पेट्रोल' फेम अभिनेते सतीश नायकोडी यांनी 'पैठणी' खेळाचे बहारदार सूत्रसंचालन केले.
Web Summary : Ulhasnagar's women's festival, organized by corporator Anjali Salve, focused on cancer awareness. Events included HPV vaccination education, legal guidance, street plays, and competitions. Stalls aided women's self-help groups. High-achieving students and women were honored during the event.
Web Summary : उल्हासनगर में पार्षद अंजलि साल्वे द्वारा आयोजित महिला महोत्सव में कैंसर जागरूकता पर ध्यान केंद्रित किया गया। कार्यक्रम में एचपीवी टीकाकरण शिक्षा, कानूनी मार्गदर्शन, नुक्कड़ नाटक और प्रतियोगिताएं शामिल थीं। स्टालों ने महिला स्वयं सहायता समूहों की सहायता की। कार्यक्रम के दौरान उच्च उपलब्धि प्राप्त करने वाले छात्रों और महिलाओं को सम्मानित किया गया।