नालासोपारा (मंगेश कराळे) :- १ करोड ८५ लाख ८० हजार रुपये किंमतीची १ किलो ८५८ ग्रॅम व्हेल माशाची उलटी विक्रीसाठी आलेल्या दोघांना तुळींज गुन्हे प्रकटीकरण शाखेच्या पोलिसांनी अटक केली आहे.
शनिवारी तुळींज पोलीस ठाणे गुन्हे प्रकटीकरण शाखेचे सहा. पोलीस निरीक्षक सुनिल पवार यांना एक जण ९० फिट रोड प्रगतीनगर येथे शासनाने प्रतिबंधित केलेली व्हेल माशाची उलटी विक्रीसाठी येणार असल्याची माहीती बातमीदारामार्फत मिळाली होती. मिळालेल्या माहीतीची शहानिशा करुन पुढील कायदेशिर कारवाई करण्यासाठी तुळींजचे वरीष्ठ पोलीस निरीक्षक विजय जाधव यांनी गुन्हे प्रकटीकरण पथकाला सुचना दिल्या होत्या.
त्या अनुषंगाने गुन्हे प्रकटीकरण शाखेचे अधिकारी व अंमलदार यांनी ९० फिट रोड प्रगतीनगर येथे सापळा रचुन आरोपी कादर गफार करगना (५२) याला ताब्यात घेतले. त्यानंतर त्याची झडती घेतली असता, त्याचे कब्जात १ करोड ८५ लाख ८० हजार रूपये किंमतीची १ किलो ८५८ ग्रॅम वजनाची काळसर-पिवळसर मेणासारखी दिसणारी व्हेल माशाची उलटी मिळुन आली आहे.
आरोपीने शासनाने प्रतिबंधित केलेली व्हेल माशाची उलटी विक्री करिता जवळ बाळगल्याने त्याचेविरुध्द शनिवारी रात्री तुळींज पोलीस ठाण्यात वन्यजीव संरक्षण अधिनियम १९७२ चे कलम २,३९,४४,४८ (अ),४९(ब),५१,५७ प्रमाणे गुन्हा दाखल करण्यात आला आहे. आरोपीच्या कब्जात मिळुन आलेली व्हेल माशाची उलटी त्यास किशोर महादेव तपसाळे (३९) याने दिल्याचे तपासात निष्पन्न झाल्याने त्यालाही सदर गुन्ह्यात अटक केली आहे.
सदरची कामगीरी पोलीस उपायुक्त पोर्णिमा चौगुले श्रींगी, सहाय्यक पोलीस आयुक्त उमेश माने पाटील, तुळींजचे वरिष्ठ पोलीस निरीक्षक विजय जाधव, पोलीस निरीक्षक (गुन्हे) बाळासाहेब बनकर, पोलीस निरीक्षक (प्रशासन) आनंद पेंडणेकर यांचे मार्गदर्शनाखाली गुन्हे प्रकटीकरण शाखेचे सहा. पोलीस निरीक्षक सुनिल पवार, पोहवा अशपाक जमादार, पांडुरंग केंद्रे, दिगांबर परजने, श्रीधर कांबळे, इस्माईल शाह छपरीबन, राहुल कदम, अक्षय झांजुर्ने, शशिकांत पोटे, प्रसाद पालवे, प्रकाश दवने, अनिल सोनवणे, ज्योतीराज झंजे यांनी केली आहे.
Web Summary : Two arrested in Nalasopara with whale vomit worth ₹1.85 crore. Police seized 1.858 kg of the prohibited substance. The accused intended to sell it illegally, violating wildlife protection laws. Investigation is ongoing to uncover the network.
Web Summary : नालासोपारा में ₹1.85 करोड़ की व्हेल की उल्टी के साथ दो गिरफ्तार। पुलिस ने 1.858 किलो प्रतिबंधित पदार्थ जब्त किया। आरोपियों ने वन्यजीव संरक्षण कानूनों का उल्लंघन करते हुए इसे अवैध रूप से बेचने का इरादा किया। नेटवर्क का पता लगाने के लिए जांच जारी है।