मीरारोड मध्ये पाणी युक्त पेट्रोल; वाहन बंद पडल्यांने ग्राहक संतप्त 

मीरारोडच्या जुन्या पेट्रोल पंपावर  पेट्रोल भरून गेलेल्या ग्राहकांच्या गाड्या बंद पडू लागल्या. पेट्रोल सोबत पाणी मिसळले गेल्याने हा प्रकार झाल्याचे समजताच संतप्त लोकांनी पेट्रोलपंपवर गर्दी केली .  

मीरारोड - मीरारोडच्या जुन्या पेट्रोल पंपावर  पेट्रोल भरून गेलेल्या ग्राहकांच्या गाड्या बंद पडू लागल्या. पेट्रोल सोबत पाणी मिसळले गेल्याने हा प्रकार झाल्याचे समजताच संतप्त लोकांनी पेट्रोलपंपवर गर्दी केली .  

मीरारोडला भारत पेट्रोलियम चा पेट्रोल पंप आहे . साई सर्व्हिस हे या पंपाचे चालक आहेत . दुपारी लोकांनी नेहमी प्रमाणेच या पंपा वर पेट्रोल भरले असता पुढे जाऊन गाड्या बंद पडू लागल्या . गाडी बंद का पडली हे मॅकेनिकला दाखवले असता पेट्रोलच्या टाकीत पाणी असल्याचे उघडकीस आले . 

मोठ्या प्रमाणात तक्रारी वाढल्या आणि पेट्रोल पंपा वर संतप्त जमाव जमला . पंपा वरील कर्मचाऱ्यांशी त्यांची हुज्जत सुरु झाली . नया नगर पोलिसांना याची माहिती मिळाली असता त्यांनी पेट्रोल पंपा वर धाव घेऊन तणाव आटोक्यात आणला .  तर पेट्रोल भरण्यासाठी पंप बंद करण्यात आला . 

शिधावाटप विभागाचे उपनियंत्रक  रोहिणीकर, मीरा भाईंदरचे शिधावाटप अधिकारी सिद्धार्थ कदम तसेच  भारत पेट्रोलियमचे अधिकारी उशिरा आल्या नंतर त्यांनी चौकशी सुरु केली . रात्री पर्यंत त्यांची पडताळणी सुरु होती . सतत पाऊस पडत असून व्यवस्थापनाच्या दुर्लक्षा मुळे पेट्रोलच्या टाकीत पाणी गेले असावे . व त्या मुळे इंधन सोबत पाणी देखील वाहनांच्या टाक्यां मध्ये भरले जाऊन लोकांच्या गाड्या बंद पडल्याची शक्यता सूत्रांनी वर्तवली .