मीरारोड - मीरा भाईंदर मध्ये सातत्याने कोरोनाचा कहर सुरु असून दिवसभरात कोरोनाचे 21 नवीन रुग्ण आढळले आहेत . असून एकूण कोरोना रुग्णांची संख्या 351 इतकी झालेली आहे . काशीगावच्या शिवशक्ती नगर मध्ये एका 70 वर्षीय महिलेचा मृत्यू झाल्याने कोरोना मृतांचा आकडा 11 झाला आहे .
सोमवारी रात्री दहाच्या नंतर पालिकेने दिलेल्या दैनंदिन अहवाला नुसार शहरात दिवसभरात 21 कोरोना रुग्ण सापडले आहेत. त्यात भाईंदरच्या गणेश देवल नगर झोपडपट्टीत आणखी ५ रुग्ण सापडले आहेत. या शिवाय भाईंदरच्या इंदिरा नगर झोपडपट्टी , इंद्रलोक फेज 1 , राहुल पार्क , नवघर पोलीस ठाणे जवळ व जनता नगर ( शिवसेना गल्ली ) मार्ग येथे प्रत्येकी 1 रुग्ण सापडले आहेत .
काशीगावच्या शिवशक्ती नगर मधील 70 वर्षीय महिलेचा भाईंदरच्या जोशी कोरोना रुग्णालयात उपचारा दरम्यान मृत्यू झाला . मीरारोडच्या नया नगर भागात 5 तर बेव्हर्ली पार्क , शांती पार्क , मुन्शी कंपाऊंड भागात कोरोनाचे रुग्ण सापडले आहेत . आता पर्यंत शहरात 11 कोरोना रुग्णांचे मृत्यू झालेले आहेत. तर 228 रुग्ण कोरोना मुक्त झालेले आहेत .