ठाणे जिल्ह्यात मोठा अपघात झाल्याची घटना समोर आली आहे. मुंबई-नाशिक महामार्गावरील ट्रक आणि काळी पिवळी जीपचा अपघात झाला. रस्ता क्रॉस करत असताना काळी पिवळी जीपला ट्रेलरने धडक दिली. यात जीपमधील चार जणांचा मृत्यू झाला. आठ जण जखी झाले आहेत. जखमींना रुग्णालयात दाखल करण्यात आले आहे.
मिळालेली माहिती अशी, मुंबई-नाशिक महामार्गावर खडवली फाट्याजवळ रस्ता क्रॉस करत असताना भरधाव वेगात येणाऱ्या ट्रेलरने काळी पिवळीला धडक दिली. या अपघातात चार जणांचा मृ्त्यू झाला तर आठजण जखमी झाले आहेत. जखमींना रुग्णालयात दाखल करण्यात आले आहे.
हा अपघात इतका भीषण होता की ट्रेलरने धडक दिल्यानंतर जीप ६० फूट दूर गेली. पोलिस घटनास्थळी दाखल झाले असून अपघाताची चौकशी करत आहेत.
घटनास्थळी स्थानिकांनी मदतकार्य सुरू केले होते.जखमींना जवळच्या रुग्णालयात उपचारासाठी दाखल केले.
अधिक माहिती अशी, आज सकाळी ६:३० च्या सुमारास मौजे पडघा खडावली फाट्याजवळ कंटेनर MH 48 T 7532 व काळी पिवळी जीप MH04E 1771 (विद्यार्थी असलेली) पडघा वरुन खडावली रेल्वे स्टेशनला जात असताना भीषण अपघात झाला. त्यामध्ये खालीलप्रमाणे जखमी व मयत झाले आहेत.
मृ्त्यू झालेल्या प्रवाशांची नावे-
१) चिन्मयी विकास शिंदे - वय १५ - मयत २) रिया किशोर परदेशी ३) चैताली सुशांत पिंपळे - वय २७ - मयत ४)संतोष अनंत जाधव - वय ५० - मयत ५)वसंत धर्मा जाधव - वय ५० - मयत ६) प्रज्वल शंकर फिरके - मयत
जखमींची नावे- १)दिलीप कुमार विश्वकर्मा वय २९ जखमी २)चेतना गणेश जसे वय १९ जखमी ३) कुणाल ज्ञानेश्वर भामरे वय २२ जखमी
वरील प्रमाणे ०६ व्यक्ती मयत असून ०३ व्यक्तींवर मायरा हॉस्पिटल मिल्लत नगर जवळ, भिवंडी या ठिकाणी जखमी रुग्णांवर उपचार सुरू आहेत.