Xiaomi 12 सीरिज लवकरच बाजारात येईल. या सीरिज अंतर्गत Xiaomi 12x, Xiaomi 12 Pro आणि Xiaomi 12 Ultra असे स्मार्टफोन सादर केले जातील. आता Xiaomi 12 फोनचे रेंडर आणि किंमत समोर आली आहे. हे अधिकृत रेंडर नाहीत. तसेच कंपनीनं देखील या स्मार्टफोन सीरीजची कोणतीही माहिती दिलेली नाही.
ऑनलिक्सनं शेयर केलेल्या रेंडर्सनुसार, Xiaomi 12 फोनच्या मागे ट्रिपल रियर कॅमेरा सेटअप मिळेल. या सीरिजमधील स्टँडर्ड व्हर्जनमध्ये 50MP चा प्रायमरी कॅमेरा मिळू शकतो. तर सीरीजच्या टॉप व्हेरिएंटमध्ये 108MP चा कॅमेरा दिला जाऊ शकतो.
Xiaomi 12 चे संभाव्य स्पेक्स
Xiaomi 12 स्मार्टफोन फुल एचडी प्लस डिस्प्लेसह बाजारात येईल. हा डिस्प्ले पंच-होल डिजाइनसह सादर केला जाईल. फोनमध्ये इन-डिस्प्ले फिंगरप्रिंट सेन्सर दिला जाऊ शकतो. या डिवाइसमध्ये 5,000mAh ची बॅटरी आणि 67W फास्ट चार्जिंग सपोर्ट मिळू शकतो. ही बॅटरी चार्ज करण्यासाठी USB Type C पोर्ट मिळू शकतो.
Xiaomi ची ही फ्लॅगशिप सीरिज असल्यामुळे यात शक्तिशाली Qualcomm Snapdragon 8 Gen 1 चिपसेट देण्यात येईल. सोबत 8GB RAM आणि 256GB पर्यंतची स्टोरेज बेस व्हेरिएंटमध्ये दिला जाऊ शकतो. हा फ्लॅगशिप स्मार्टफोनमध्ये दोन 5G सिम वापरता येतील. तसेच याची किंमत 69,990 रुपयांपासून सुरु होऊ शकते.
हे देखील वाचा:
74,000 च्या डिस्काउंटसह हा शानदार टीव्ही उपलब्ध; कॅमेरा, हेडफोन्सवर देखील मोठी सूट
Redmi स्मार्टफोन, लॅपटॉप आणि इयरबड्सवर मिळतोय बंपर डिस्काउंट; आताच बघा बेस्ट डील्स