90Hz आणि 144Hz स्मार्टफोन डिस्प्लेमध्ये काय फरक आहे? परफॉर्मन्सवर कसा होतो? जाणून घ्या...

आजकाल स्मार्टफोन खरेदी करताना लोक कॅमेरा, बॅटरी आणि प्रोसेसरसह डिस्प्ले रिफ्रेश रेटकडेही विशेष लक्ष देत आहेत.

आजकाल स्मार्टफोन खरेदी करताना लोक केवळ कॅमेरा, बॅटरी आणि प्रोसेसरकडेच नाही, तर डिस्प्ले रिफ्रेश रेटकडेही विशेष लक्ष देत आहेत. बाजारात आता 60Hz, 90Hz, 120Hz आणि 144Hz रिफ्रेश रेटचे फोन उपलब्ध आहेत. पण अनेक युजर्सना या आकड्यांमधील फरक आणि त्याचा फोनच्या परफॉर्मन्सवर होणारा परिणाम समजत नाही.

रिफ्रेश रेट म्हणजे काय?

डिस्प्लेचा रिफ्रेश रेट (Refresh Rate) म्हणजे स्क्रीन एका सेकंदात किती वेळा इमेज अपडेट करते.

उदा: 

90Hz डिस्प्ले प्रति सेकंद 90 वेळा इमेज अपडेट करतो.

144Hz डिस्प्ले प्रति सेकंद 144 वेळा इमेज अपडेट करतो.

रिफ्रेश रेट जितका जास्त, तितकी स्क्रीनवरील हालचाल अधिक स्मूद, फ्लुइड आणि नैसर्गिक दिसते.

90Hz डिस्प्लेचा अनुभव

90Hz डिस्प्ले मिड-रेंज स्मार्टफोन्समध्ये मिळतो. 
पारंपरिक 60Hz पेक्षा खूपच स्मूद अनुभव देतो. 
स्क्रोलिंग, स्वाइपिंग आणि अॅप ओपनिंग अधिक जलद आणि सुलभ होते.
गेमिंगसाठीही योग्य, विशेषत: जे गेम्स हाय फ्रेम रेटला सपोर्ट करतात.
बॅटरीचा वापर मर्यादित, त्यामुळे परफॉर्मन्स आणि पॉवरमध्ये उत्तम बॅलन्स मिळतो.

144Hz डिस्प्लेचा अनुभव

144Hz डिस्प्ले प्रामुख्याने फ्लॅगशिप किंवा गेमिंग स्मार्टफोन्समध्ये पाहायला मिळतो.
हा 90Hz पेक्षा अधिक स्मूद आणि प्रतिसादक्षम असतो.
हाय-एंड गेमिंग, तेज ग्राफिक्स व्हिडिओ आणि प्रोफेशनल टास्क्ससाठी परफेक्ट.
विशेषतः PUBG Mobile, Free Fire, Call of Duty Mobile सारख्या गेम्समध्ये लेटन्सी कमी करून गेमिंग अनुभव आणखी सुधारतो.

बॅटरी आणि प्रोसेसरवरील परिणाम

रिफ्रेश रेट जितका जास्त, तितकी बॅटरीची खपत आणि प्रोसेसरवरील लोड वाढतो.

90Hz डिस्प्ले बॅटरी थोडी बॅटरी वापरतो.

144Hz डिस्प्ले अधिक पॉवर घेतो.

जर फोनमध्ये मोठी बॅटरी आणि दमदार प्रोसेसर नसेल, तर 144Hz चा फायदा कमी मिळू शकतो. म्हणूनच अनेक कंपन्या रिफ्रेश रेट स्विच (60Hz/90Hz/144Hz) देतात, जेणेकरून गरजेनुसार बॅटरी वाचवता येते.

कोणता पर्याय योग्य?

जर तुम्ही सामान्य युजर असाल, सोशल मीडिया, वेब ब्राउझिंग आणि अधूनमधून गेमिंग करणारे, तर 90Hz डिस्प्ले सर्वाधिक योग्य आणि किफायतशीर आहे.

पण जर तुम्ही हेवी गेमर असाल किंवा फोनवर सतत हाय-ग्राफिक्स काम करत असाल, तर 144Hz डिस्प्ले तुम्हाला एक वेगळाच प्रीमियम अनुभव देईल.