Vivo नं काही दिवसांपूर्वी आपला Vivo V23e स्मार्टफोन जागतिक बाजारात सादर केला होता. आता या सीरिजमधील प्रो मॉडेल अर्थात Vivo V23 Pro स्मार्टफोन जानेवारी 2022 मध्ये भारतात येईल, अशी माहिती 91mobiles नं दिली आहे. हा फोन 64MP कॅमेऱ्यासह बाजारात येईल. या फोनसोबत Vivo V23e स्मार्टफोन देखील सादर केला जाऊ शकतो.
रिपोर्टनुसार विवोचा हा स्मार्टफोन 4 जानेवारीला भारतात लाँच केला जाईल. याआधी ही सीरिज डिसेंबरमध्ये येणार असल्याची बातमी आली होती. कंपनी देशात या सीरिजची सुरुवात प्रो मॉडेलपासून करू शकते. Vivo V23 सीरीज गेल्यावर्षीच्या Vivo V21 लाइनअपची जागा घेईल. Vivo V23e आणि V23 Pro मॉडेल काही दिवसांपूर्वी IMEI डेटाबेसमध्ये दिसले होते.
Vivo V23e 5G Phone चे स्पेसिफिकेशन्स
Vivo V23e 5G मध्ये 6.44 इंचाचा फुलएचडी+ अॅमोलेड डिस्प्ले मिळतो. प्रोसेसिंगसाठी यात मीडियाटेक डिमेन्सिटी 810 चिपसेटची ताकद देण्यात आली आहे. त्याचबरोबर 8GB RAM आणि 128GB स्टोरेज मिळते. ही स्टोरेज 1TB पर्यंत वाढवता येते. हा डिवाइस अँड्रॉइड 11 आधारित फनटच ओएस 12 वर चालतो. या ड्युअल सिम फोनमध्ये इन-डिस्प्ले फिंगरप्रिंट सेन्सर मिळतो. पॉवर बॅकअपसाठी 4,050एमएएचची बॅटरीला 44W फास्ट चार्जिंग सपोर्टसह देण्यात आली आहे.
Vivo V23e 5G मध्ये पॉवर पॅक कॅमेरा सेटअप देण्यात आला आहे. याची सुरुवात 44 मेगापिक्सलच्या सेल्फी कॅमेऱ्यापासून होते. तसेच फोनच्या बॅक पॅनलवर एलईडी फ्लॅशसह ट्रिपल कॅमेरा सेटअप देण्यात आला आहे. या सेटअपमध्ये 50 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स मिळते.