दिवाळीच्या निमित्ताने विविध कंपन्या आपले नवनवीन प्रोडक्ट बाजारात उतरवत आहेत. यात आता Smart TV निर्माता Thomson चा देखील समावेश झाला आहे. कंपनीने 28 ऑक्टोबरपासून सुरु होणाऱ्या 'The Big Diwali Sale' मध्ये स्मार्ट टीव्हीची नवीन सीरिज सादर केली आहे. कंपनीने Oath Pro सीरिज अंतर्गत तीन मॉडेल्स सादर केले आहेत.
Thomson Oath Pro सीरिज अंतर्गत 43 Oath Pro Max, 50 Oath Pro Max आणि 55 Oath Pro Max असे तीन मॉडेल सादर करण्यात आले आहेत. हे तिन्ही स्मार्ट टीव्ही मॉडेल्स 27 ऑक्टोबर मध्यरात्रीपासून Flipkart वरून विकत घेता येतील. यांची किंमत 26,999 रुपयांपासून सुरु होत आहे.
Thomson Oath Pro TV ची किंमत
Thomson Oath Pro TV च्या 43 इंचाचा OPMAX9099 टीव्ही मॉडेल 26,999 रुपयांमध्ये विकत घेता येईल. 50 इंचाच्या OPMAX9077 मॉडेलसाठी 34,999 रुपये मोजावे लागतील. तर 55 इंचाचा OPMAX9055 मॉडेल फ्लिपकार्टवर 38,999 रुपयांमध्ये उपलब्ध होईल.
Thomson Oath Pro चे स्पेसिफिकेशन
Thomson Oath Pro ही एक अँड्रॉइड स्मार्ट टीव्ही सीरिज आहे, जी अँड्रॉइड 10 वर चालते. त्यामुळे यात गुगल असिस्टंट सपोर्ट मिळतो. तसेच यात नेटफ्लिक्स, प्राईम व्हिडीओ, हॉटस्टार, झी5, सोनी लिव्हसह गुगल प्ले स्टोरवरील 6000 पेक्षा जास्त अॅप्स आणि गेम्स वापरता येतात.
OATH PRO MAX मध्ये 4k अल्ट्रा एचडी डिस्प्ले देण्यात आला आहे जो एचडीआर 10+ आणि 1 बिलियन रंगांना सपोर्ट करतो. तसेच ही टीव्ही सीरिज 40W साउंड आउटपुट, डॉल्बी एमएस 12, डॉल्बी डिजिटल प्लस, डीटीएस ट्रुसराउंड आणि ड्युअल-बँड वाय-फायला सपोर्ट करते.