गेल्या महिन्यात Apple चे सीईओ टिम कुक यांचे घर Apple Maps आणि Google Maps वर ब्लर करण्यात आले होते. एक महिला टीम कुकचा पाठलाग करत असल्याचं समोर आल्यावर ही कारवाई करण्यात आली. पण तुम्हाला माहित आहे का? की अशी अनेक ठिकाणे आहेत जी Google Maps वर पाहता येत नाहीत? 'द सन'च्या रिपोर्टनुसार, गुगलने आपल्या नकाशावरून १० हून अधिक ठिकाणे हटवली आहेत. चला जाणून घेऊया अशाच काही खास ठिकाणांबद्दल...
1. Prison de Montlucon, France: Google ने मध्य फ्रान्समधील तुरुंग सेन्सॉर केले आहे. सुरक्षेच्या कारणास्तव फ्रेंच सरकारच्या विनंतीवरून हे २०१८ मध्ये करण्यात आले होते.
2. Moruroa, French Polynesia: मोरुरोआ हे दक्षिण प्रशांत महासागरातील एक लहान बेट आहे. त्यावर बंदी का घालण्यात आली याचे कारण स्पष्ट झाले नसले तरी या बेटाचा अण्वस्त्र इतिहास असल्याचे सांगितले जाते.
3. 2207 Seymour Avenue, Ohio: एरियल कॅस्ट्रो नावाच्या व्यक्तीने २००२ ते २००४ या काळात काही मुलींचे अपहरण केले होते. त्यांना ओहियो येथील घरात ठेवले होते. मे २०१३ पर्यंत मुलींना ओलीस ठेवले होते. गुगल मॅपवर या जागेवर बंदी घालण्यात आली आहे.
4. House in Stockton-on-Tees: यूकेमधील प्रिन्सपोर्ट रोडवर स्थित, स्टॉकटन-ऑन-टीज हे Google वर अस्पष्ट आहे.
5. Jeannette Island, Russia: बर्फाच्छादित बेट १.२ मैल लांबीचा आहे. असं मानलं जातं की रशिया आणि अमेरिका यांच्यातील तणावामुळे हे बेट गुगल मॅपवर ब्लर करण्यात आले आहे.
6. North Korea: गुगलवरही उत्तर कोरियाचे अनेक भाग अस्पष्ट आहेत.
7. Amchitka Island : अलास्का: अम्चिटका बेटावर ५०, ६० आणि ७० च्या दशकात अमेरिकेची आण्विक चाचणी करण्यात आली. मात्र गुगल मॅपवर त्यातील अनेक भाग ब्लर करण्यात आले. अमेरिकेने येथे अनेक भूमिगत अणुचाचण्या केल्या आहेत.
8. Greek military base: ग्रीसची राजधानी अथेन्समध्ये असलेला हा लष्करी तळ गुगल मॅपवर पूर्णपणे ब्लर करण्यात आला आहे. हे सुरक्षेच्या कारणास्तव केले आहे.
9. French nuclear facility: फ्रान्समधील AREVA ला हेग आण्विक इंधन पुनर्प्रक्रिया सुविधा देखील Google वर ब्लर आहे. ते १९७६ मध्ये उघडण्यात आले होते येथून अनेक देशांना अणुइंधन दिले जाते.
10. Polish Special Forces base: पोलंडच्या स्पेशल फोर्सेस कमांडचे प्रशिक्षण या भागात होते. हे google वर ब्लर करण्यात आले आहे.
11. Patio de los Naranjos, Spain: ही जागा स्पेनमध्ये आहे, हे ठिकाण सरकारी कार्यालयांच्या जवळ आहे. हे ब्लर का करण्यात आले याची माहिती अद्याप समोर आली नाही.
12. Tim Cook's house: Apple ने आपल्या Map मध्ये टिम कुकच्या घराचे स्थान दर्शविणारी 'अदृश्य भिंत' दाखवली होती. अशा परिस्थितीत आता टीम कुकचे घर सार्वजनिकपणे कोणीही पाहू शकणार नाही. त्याचवेळी गुगल मॅपवरही त्याच्या घराचा काही भाग पिक्सेलेटेड केला आहे. CultOfMac नुसार, टिम कुकच्या घराची किंमत २५ कोटींहून अधिक आहे. Apple च्या बॉसचे घर कॅलिफोर्नियातील पालो अल्टो येथे आहे.