वनप्लस कंपनीच्या वनप्लस ५ टी या दणदणीत फिचर्स असणार्या स्मार्टफोनच्या विक्रीस प्रारंभ झाला असून हे मॉडेल ६ व ८ जीबी रॅमच्या दोन व्हेरियंटमध्ये सादर करण्यात आले आहे.
काही दिवसांपूर्वीच वनप्लस ५ टी या मॉडेलचे अनावरण करण्यात आले होते. हा स्मार्टफोन दोन व्हेरियंटमध्ये मिळणार आहे. याच्या ६ जीबी रॅम व ६४ जीबी स्टोअरेजच्या मॉडेलचे मूल्य ३२,९९९ तर ८ जीबी रॅम व १२८ जीबी स्टोअरेजयुक्त मॉडेलचे मूल्य ३७,९९९ रूपये आहे. हे दोन्ही मॉडेल्स ग्राहकांना ‘अमेझॉन इंडिया’ आणि ‘वन प्लस स्टोअर’ या शॉपिंग पोर्टलवरून आजपासून उपलब्ध करण्यात आले आहेत.
वनप्लस ५ टी या स्मार्टफोनमध्ये ६.०१ इंच आकारमानाचा आणि १०८० बाय १९२० पिक्सल्स म्हणजेच फुल एचडी क्षमतेचा व १८:९ अस्पेक्ट रेशो असणारा २.५डी फुल ऑप्टीक डिस्प्ले असेल. यावर कॉर्निंग गोरीला ग्लास ३चे संरक्षक आवरण प्रदान करण्यात आले आहे. यात अतिशय गतीमान असा ऑक्टा-कोअर क्वॉलकॉम स्नॅपड्रॅगन ८३५ प्रोसेसर असेल. वनप्लस ५ टी मॉडेलच्या मागील बाजूस ड्युअल कॅमेरा सेटअप प्रदान करण्यात आला आहे. यातील एक कॅमेरा एफ/१.७ अपार्चरसह १६ मेगापिक्सल्स सोनी आयएमक्स३९८ सेन्सरयुक्त असेल. तर दुसरा कॅमेरा एफ/१.७ अपार्चरसह २० मेगापिक्सल्स सोनी आयएमएक्स३७६के सेन्सरयुक्त देण्यात आला आहे. या दोन्ही कॅमेर्यांसाठी ड्युअल एलईडी फ्लॅशची सुविधा असेल. याच्या मदतीने ३० फ्रेम्स प्रति-सेकंद या गतीने फोर-के तर ६० फ्रेम्स प्रति सेकंद गतीने फुल हाय डेफिनेशनचे व्हिडीओ रेकॉर्डींग करता येणार आहे. तर सेल्फी आणि व्हिडीओ कॉलींगसाठी यात १६ मेगापिक्सल्सचा सोनी आयएमएक्स३७१ सेन्सरयुक्त फ्रंट कॅमेरा देण्यात आला आहे. याच्या मदतीने एचडी व्हिडीओ रेकॉर्डींग करणे शक्य आहे.
वनप्लस ५ टी स्मार्टफोन अँड्रॉइडच्या नोगट आवृत्तीपासून विकसित करण्यात आलेल्या ऑक्सिजन ओएस ४.७.० या प्रणालीवर चालणारा आहे. यात फेस अनलॉक हे विशेष फिचर देण्यात आले आहे. म्हणजेच याचा उपयोग करून चेहर्याच्या मदतीने स्मार्टफोन लॉक/अनलॉक करण्याची सुविधा यात आहे. वनप्लस ५ टी या स्मार्टफोनमध्ये कंपनीच्या डॅशचार्ज हा फास्ट चार्जिंग तंत्रज्ञानाने सज्ज असणारी ३,३०० मिलीअँपिअर क्षमतेची बॅटरी प्रदान करण्यात आली आहे. यात फोर-जी व्हिओ-एलटीई नेटवर्क सपोर्टसह ब्ल्यू-टुथ, वाय-फाय, जीपीएस, मायक्रो-युएसबी आदी फिचर्स असतील. तर यात अॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत.