64MP कॅमेरा, 6GB RAM सह सॅमसंगचा 5G फोन सादर; जाणून घ्या Galaxy Wide5 ची वैशिष्ट्ये
By सिद्धेश जाधव | Published: September 10, 2021 05:17 PM2021-09-10T17:17:45+5:302021-09-10T17:21:21+5:30
Samsung Galaxy Wide5 5G Launch: Samsung Galaxy Wide5 5G हा फोन भारतात Galaxy F42 5G म्हणून सादर केला जाऊ शकतो.
64MP कॅमेरा, 6GB RAM सह सॅमसंगचा 5G फोन सादर; जाणून घ्या Galaxy Wide5 ची वैशिष्ट्ये
Samsung आपला नवीन 5G स्मार्टफोन आपल्या होम मार्केटमध्ये सादर केला आहे. कंपनीने दक्षिण कोरियामध्ये नवीन मोबाईल फोन Samsung Galaxy Wide5 5G सादर केला आहे. या फोनमध्ये मीडियाटेकचा Dimensity 700 चिपसेट देण्यात आला आहे. तसेच हा फोन 64MP कॅमेरा, 6GB RAM आणि 5000mAh बॅटरीसारख्या फीचर्ससह बाजारात आला आहे. जागतिक बाजारात हा फोन 6GB रॅम आणि 128GB स्टोरेजसह KRW 449,900 म्हणजे 28,000 रुपयांमध्ये खरेदीसाठी उपलब्ध होईल. मीडिया रिपोर्ट्सनुसार, हा फोन भारतात Galaxy F42 5G म्हणून सादर केला जाऊ शकतो.
Samsung Galaxy Wide5 5G चे स्पेसिफिकेशन्स
सॅमसंग गॅलेक्सी वाईड5 स्मार्टफोनमध्ये 6.6 इंचाचा फुलएचडी+ डिस्प्ले देण्यात आला आहे. 1080 x 2408 पिक्सल रिजोल्यूशन असलेला हा एक टीएफटी पॅनल आहे. या फोनमध्ये कंपनीने मीडियाटेकचा डायमेनसिटी 700 चिपसेट देण्यात आला आहे. या लेटेस्ट सॅमसंग फोनमध्ये 6GB रॅम आणि 128 GB स्टोरेज देण्यात आली आहे. ही स्टोरेज मायक्रोएसडी कार्डने वाढवता येते. हा 5G फोन अँड्रॉइड 11 ओएससह वनयुआयवर चालतो.
या सॅमसंग स्मार्टफोनचा कॅमेरा सेगमेंट पाहता, याच्या बॅक पॅनलवर ट्रिपल कॅमेरा सेटअप मिळतो. फोनच्या बॅक पॅनलवर एलईडी फ्लॅशसह 64 मेगापिक्सलचा मुख्य सेन्सर, 5 मेगापिक्सलची अल्ट्रावाईड अँगल लेन्स आणि 2 मेगापिक्सलचा डेप्थ सेन्सर मिळतो. या फोनच्या फ्रंट पॅनलवर 8 मेगापिक्सलचा सेल्फी कॅमेरा देण्यात आला आहे.
Samsung Galaxy Wide5 5G मध्ये सिक्योरिटीसाठी साईड माऊंटेड फिंगरप्रिंट सेन्सर आणि फेस अनलॉक फिचर देखील देण्यात आले आहे. हा एक ड्युअल सिम फोन आहे जो बेसिक कनेक्टिविटी फीचर्सला सपोर्ट करतो. पावर बॅकअपसाठी या सॅमसंग फोनमध्ये 5,000एमएएचची बॅटरी देण्यात आली आहे जी 15वॉट फास्ट चार्जिंगला सपोर्ट करते.
