सध्या बॉक्स ऑफिसवर झुंड, पावनखिंड आणि द काश्मीर फाईल्स अशा एकापेक्षा एक लोकप्रिय चित्रपटांची गर्दी आहे. हे सिनेमे हाउसफुल जात असल्यामुळे अनेकांना थिएटरमध्ये जाऊ बघता येत नाहीत. काही लोक या चित्रपटांच्या ओटीटी लाँचची वाट बघत आहेत. यातील पावनखिंड तर उद्याच अ‍ॅमेझॉन प्राईमवर दाखल होणार आहे. परंतु थिएटर सारखा अनुभव घरी हवा असेल तर मोठा टीव्ही असणं आवश्यक आहे. म्हणूनच शाओमीनं आपल्या सब-ब्रँड रेडमी अंतर्गत Redmi Max 100-inch Ultra-HD LED TV लाँच केला आहे.
100 इंचाच्या Smart TV चे स्पेसिफिकेशन्स आणि फीचर्स
रेडमी मॅक्स 100-इंचाच्या टीव्हीमध्ये एक 4K आयपीएस पॅनल देण्यात आला आहे. जो 120Hz रिफ्रेश रेट, 700 निट्स पीक ब्राईटनेस, डॉल्बी विजन, आयमॅक्स एन्हान्स्ड आणि एचडीआरला सपोर्ट करतो. या टीव्हीमध्ये क्वॉड-कोर प्रोसेसर आहे ज्यात Cortex-A73 कोर आणि एक Arm Mali-G52 MC1 जीपीयूचा समावेश आहे. सोबत 4GB रॅम आणि 64GB स्टोरेज देण्यात आली आहे. ऑडिओसाठी डॉल्बी डिजिटल प्लस आणि डॉल्बी अ‍ॅटमॉस सपोर्टसह 30W चा स्पिकर देण्यात आला आहे.
कनेक्टिव्हिटीसाठी वाय-फाय 6, तीन एचडीएमआय पोर्ट, दोन यूएसबी पोर्ट आणि एक ईथरनेट पोर्ट मिळतो. या टीव्हीमधील 178 डिग्री व्यूइंग अँगल सपोर्ट कोणत्याही कोपऱ्यातून तुम्हाला स्पष्ट चित्र दिसतं. गेमर्ससाठी या स्मार्ट टीव्हीमध्ये खास फीचर्स आहेत ज्यात वेरिएबल रिफ्रेश रेट आणि ऑटो लो लेटेंसी मोडचा समावेश आहे.
Redmi Max 100-inch Ultra-HD LED TV ची किंमत
कंपनीनं हा स्मार्ट टीव्ही सध्या चीनमध्ये सादर केला आहे. तिथे रेडमी मॅक्स 100-इंच टीव्हीची किंमतCNY 19,990 युआन (सुमारे 2,39,500 रुपये) ठेवण्यात आली आहे. हा टीव्ही ब्लॅक कलर ऑप्शनमध्ये 6 एप्रिलपासून चीनमध्ये विकत घेता येईल. भारतीय उपलब्धतेची मात्र कंपनीनं कोणतीही माहिती दिली नाही. पंरतु लवकरच या टीव्ही सोबत रेडमी मॅक्स 85 इंचाचा मॉडेल भारतीयांच्या भेटीला येऊ शकतो.