Realme GT 5G स्मार्टफोन 18 ऑगस्टला भारतात लाँच होणार आहे, अशी माहिती रियलमी इंडियाचे सीईओ माधव सेठ यांनी काही दिवसांपूर्वी दिली होती. हा स्नॅपड्रॅगन 888 फ्लॅगशिप चिपसेट असलेला कंपनीचा सर्वात स्वस्त स्मार्टफोन आहे. हा फोन याआधी युरोपात लाँच झाला आहे. आता भारतात लाँच होण्याआधी रियलमी जीटी 5जी चे प्रोडक्ट पेज ई-कॉमर्स साईट फ्लिपकार्टवर लाईव्ह करण्यात आला आहे. या सपोर्ट पेजमुळे Realme GT 5G फ्लिपकार्टवर खरेदीसाठी उपलब्ध होईल हे स्पष्ट झाले आहे.
Realme GT ग्लोबल स्पेसिफिकेशन्ससह सादर केला जाईल. या फोनचा फक्त 5G व्हर्जन भारतात येईल, अशी माहिती माधव सेठ यांनी दिली आहे. 18 ऑगस्टला रियलमी जीटी 5जी स्मार्टफोनसह Realme GT Master Edition देखील लाँच केला जाऊ शकतो.
Realme GT 5G चे स्पेसिफिकेशन
Realme GT 5G मध्ये 6.43-इंचाचा FHD+ सुपर अॅमोलेड डिस्प्ले देण्यात आला आहे, जो 120Hz रिफ्रेश रेटवर चालतो. हा डिस्प्ले कोर्निंग गोरिल्ला ग्लास 5 ने प्रोटेक्टेड आहे. फोनमध्ये स्नॅपड्रॅगन 888 5G एसओसी आणि Adreno 660 GPU देण्यात आला आहे.
कॅमेऱ्यासाठी Realme GT 5G मध्ये ट्रिपल रियर कॅमेरा सेटअप देण्यात आला आहे. यात 64 मेगापिक्सलच्या मुख्य सेन्सरसह 8 मेगापिक्सलची वाइड-अँगल लेंस आणि 2 मेगापिक्सलची मॅक्रो लेंस आहे. फोनच्या फ्रंटला 16 मेगापिक्सलच्या सेल्फी शुटर देण्यात आला आहे. सुरक्षेसाठी फोनमध्ये इन-डिस्प्ले फिंगरप्रिंट सेन्सर मिळतो. तसेच, फोनमध्ये पावर बॅकअपसाठी 65W फास्ट चार्जिंगसह 4,500mAh ची बॅटरी देण्यात आली आहे.