OPPO Reno 8 ही कंपनीची फ्लॅगशिप सीरिज आहे. जी वनप्लस, सॅमसंग, शाओमी, विवो इत्यादी कंपन्यांच्या प्रीमियम स्मार्टफोनला टक्कर देते. आता या सीरिजमधील सर्वात स्वस्त आणि चौथा मॉडेल OPPO Reno 8 Lite 5G कंपनीनं स्पेनमध्ये लाँच केला आहे. परंतु या फोनचे स्पेक्स जवळून पाहता हा काही दिवसांपूर्वी आलेल्या OPPO F21 Pro 5G चा रीब्रँड व्हर्जन वाटतो.
OPPO Reno 8 Lite 5G चे स्पेसिफिकेशन
OPPO Reno 8 Lite 5G मध्ये 6.43 इंचाचा फुलएचडी+ अ‍ॅमोलेड डिस्प्ले देण्यात आला आहे. यात पंच होल डिजाईन देण्यात आली आहे सोबत इन डिस्प्ले फिंगरप्रिंट सेन्सर देण्यात आला आहे. पावर बॅकअपसाठी 4,500mAh ची बॅटरी मिळते जी 33 वॉट फास्ट चार्जिंगला सपोर्ट करते. तसेच कनेक्टिव्हिटीसाठी 5G सह USB Type-C पोर्ट, 3.5 mm ऑडियो जॅक आणि WiFi चा ऑप्शन मिळतो.
ओप्पो रेनो 8 लाईट मध्ये क्वॉलकॉमचा Snapdragon 695 चिपसेट देण्यात आला आहे. जो 6 नॅनोमीटर फॅब्रिकेशन प्रोसेसवर बनलेल्या या ऑक्टा कोर प्रोसेसरचा क्लॉक स्पीड 2.2 गीगाहर्ट्ज आहे. सोबत 8GB रॅम आणि 128GB स्टोरेज मिळते. तसेच वर्चुअल रॅम फिचरच्या मदतीनं 5GB अतिरिक्त रॅम मिळतो. OPPO Reno 8 Lite 5G अँड्रॉइड 12 आधारित ColorOS 12 वर चालतो.
फोनच्या मागे आयताकृती कॅमेरा मोड्यूल देण्यात आला आहे. मेन कॅमेऱ्यासह dual orbit light देण्यात आली आहे. जी फक्त ओप्पो फोनमध्ये मिळते. फोनच्या ट्रिपल कॅमेरा सेटअपमध्ये मुख्य सेन्सर 64MP चा आहे. तर सोबत 2MP डेप्थ सेन्सर आणि 2MP चा मॅक्रो कॅमेरा देण्यात आला आहे. फ्रंटला तुम्हाला 16MP चा सेल्फी कॅमेरा मिळतो.
किंमत
स्पेनमध्ये स्मार्टफोनचा एकच रॅम आणि स्टोरेज व्हेरिएंट सादर करण्यात आला आहे. परंतु कलर्समध्ये Cosmic Black आणि Rainbow Spectrum असे दोन ऑप्शन मिळतात. स्पेनमध्ये या फोनची किंमत 429 यूरो आहे जी जवळपास 35 हजार भारतीय रुपयांमध्ये रूपांतरित होते. फोनच्या भारतीय लाँचची माहिती मात्र मिळाली नाही.