Motorola Edge 30 Pro Price: मोटोरोलानं गेल्या आठवड्यात शक्तिप्रदर्शन करून आपला नवीन प्रीमियम फोन Motorola Edge 30 Pro लाँच केला होता. उद्यापासून अर्थात 4 मार्चला या फोनचा पहिला सेल सुरु होणार आहे. उद्या दुपारी 12 वाजल्यापासून फ्लिपकार्टवरून हा फोन 8 GB RAM आणि 128GB इंटरनल स्टोरेजसह विकत घेता येईल. कंपनीनं या फोनची किंमत 49,999 रुपये ठेवली आहे. परंतु लाँच इव्हेंटमधेच कंपनीनं 5 हजार रुपयांच्या डिस्काउंटची घोषणा केली होती. त्यानुसार, या डिस्काउंटसाठी तुम्हाला SBI क्रेडिट कार्डनं पेमेंट करावं लागेल.
Motorola Edge 30 Pro चे स्पेसिफिकेशन्स
Motorola Edge 30 Pro स्मार्टफोनमध्ये 6.7-इंचाचा फुलएचडी+ अ‍ॅमोलेड डिस्प्ले देण्यात आला आहे. डिस्प्ले 144Hz रिफ्रेश रेट, 576Hz टच सॅम्पलिंग रेट आणि 2400×1080 पिक्सल रिजोल्यूशनला सपोर्ट करतो. हा मोटोरोला फोन Android 12 OS वर चालतो. यात बेसिक कनेक्टिव्हिटीसह सिक्योरिटीसही इन-डिस्प्ले फिंगरप्रिंट सेन्सर देण्यात आला आहे.
Motorola Edge 30 Pro च्या स्पेक्समधील सर्वात महत्वाचा भाग म्हणजे या फोनमधील Qualcomm Snapdragon 8 Gen1 चिपसेट आहे. जो जुन्या क्वॉलकॉम प्रोसेसरपेक्षा कितीतरी वेगवान आहे. सोबत कंपनीनं ग्राफिक्ससाठी Adreno GPU दिला आहे. हा फोन 8GB पर्यंतच्या वेगवान LPDDR5 RAM सह बाजारात आला आहे. त्याचबरोबर 128GB पर्यंतची लेटेस्ट UFS 3.1 स्टोरेज मिळते.
फोटोग्राफीसाठी या शक्तिशाली फोनमध्ये ट्रिपल रियर कॅमेरा सेटअप मिळतो. ज्यात 50MP चा प्रायमरी कॅमेरा देण्यात आला आहे. सोबत 5MP ची अल्ट्रा वाईड अँगल लेन्स आणि 2MP थर्ड सेन्सर देण्यात आला आहे. Motorola Edge 30 Pro मध्ये 60 मेगापिक्सलचा शानदार फ्रंट कॅमेरा मिळतो. पावर बॅकअपसाठी Motorola Edge 30 Pro मध्ये 4800mAh ची बॅटरी आणि 68W फास्ट चार्जिंग देण्यात आली आहे.
हे देखील वाचा: