सर्वात स्वस्त स्मार्टफोन! 5000mah बॅटरी, 4 कॅमेऱ्यांसह Moto E32s लाँच, जाणून घ्या किंमत
By सिद्धेश जाधव | Published: June 2, 2022 05:04 PM2022-06-02T17:04:38+5:302022-06-02T17:04:45+5:30
मोटोरोलाचा बजेट स्मार्टफोन Moto E32s भारतात MediaTek Helio G37 प्रोसेसर, 4GB RAM आणि 5000mAh च्या बॅटरीसह लाँच झाला आहे.
सर्वात स्वस्त स्मार्टफोन! 5000mah बॅटरी, 4 कॅमेऱ्यांसह Moto E32s लाँच, जाणून घ्या किंमत
Next Moto E32s Launched in India Check price and Specs Motorola नं ठरल्याप्रमाणे आपला सर्वात स्वस्त स्मार्टफोन भारतात सादर केला आहे. कंपनीनं आपल्या E-सीरीजचा विस्तार करत Moto E32s स्मार्टफोन देशात लाँच केला आहे. MediaTek Helio G37 प्रोसेसर, 4GB RAM आणि 5000mAh ची बॅटरी असलेल्या या डिवाइसची किंमत 10,000 रुपयांपेक्षा कमी ठेवण्यात आली आहे. या बजेटमध्ये कंपनीला मोठ्या स्पर्धेचा सामना करावा लागणार आहे.
Moto E32s चे स्पेसिफिकेशन्स
यात 6.5-inch HD+ MaxVision डिस्प्ले देण्यात आला आहे, ज्याचा रिफ्रेश रेट 90Hz आहे. तसेच, फोन MediaTek Helio G37 प्रोसेसरसह बाजारात आला आहे. ग्राफिक्ससाठी IMG PowerVR GE8320 GPU देण्यात आला आहे. सोबत 4GB पर्यंत RAM आणि 64GB पर्यंतची स्टोरेज आहे. मोटो ई32एस स्मार्टफोन Android 12-बेस्ड MyUX skin वर चालतो. सिक्योरिटीसाठी फोनमध्ये साइड-माउंटिड फिंगरप्रिंट सेन्सर देण्यात आला आहे.
फोटोग्राफीसाठी Moto E32s मध्ये ट्रिपल रियर कॅमेरा सेटअप मिळतो. यातील मुख्य कॅमेरा 16MP चा आहे. तसेच यात 2MP चा डेप्थ सेन्सर आणि 2MP चा मॅक्रो सेन्सर मिळतो. सेल्फी व व्हिडीओ कॉलिंगसाठी फोनमध्ये 8MP चा कॅमेरा देण्यात आला आहे. या मोटोरोला फोनमध्ये 5,000mAh ची मोठी बॅटरी आहे, जी 15W फास्ट चार्जिंगला सपोर्ट करते.
Moto E32s ची किंमत
Moto E32s स्मार्टफोनचे दोन व्हेरिएंट भारतात आले आहेत. यातील 3GB रॅम व 32GB स्टोरेज असलेल्या बेस मॉडेलची किंमत 9,299 रुपये ठेवण्यात आली आहे. तर 4GB रॅम व 64GB स्टोरेज मॉडेलसाठी 9,999 रुपये मोजावे लागतील. लाँच ऑफर अंतर्गत हा फोन 8,999 रुपयांमध्ये विकत घेता येईल. हा स्मार्टफोन Flipkart, Reliance Digital, आणि Jio Mart वरून 6 जूनपासून स्लेट ग्रे आणि मिस्टी सिल्वर कलरमध्ये विकत घेता येईल.