तुमच्याकडील स्मार्टफोन बनावट तर नाही ना? हे सरकारी पोर्टल दाखवणार फोनची संपूर्ण कुंडली   

Smartphone : बदलता काळ आणि तंत्रज्ञानासोबत फसणवणूक करणाऱ्या गुन्हेगारांनी लोकांना गंडा घालण्यासाठी नवनव्या क्लुप्ता शोधून काढण्यास सुरुवात केली आहे. ही मंडळी अनेकदा जु्न्या मोबाईलची बॉडी बदलून त्यात बनावट OS भरून त्यांना नवीन रूप देतात. तसेच असे स्वस्तातील मोबाईल नवे मोबाईल म्हणून महागड्या किमतीला विकतात

बदलता काळ आणि तंत्रज्ञानासोबत फसणवणूक करणाऱ्या गुन्हेगारांनी लोकांना गंडा घालण्यासाठी नवनव्या क्लुप्ता शोधून काढण्यास सुरुवात केली आहे. ही मंडळी अनेकदा जु्न्या मोबाईलची बॉडी बदलून त्यात बनावट OS भरून त्यांना नवीन रूप देतात. तसेच असे स्वस्तातील मोबाईल नवे मोबाईल म्हणून महागड्या किमतीला विकतात.

असे फ्रॉड लोक जुन्या फोनला स्वस्त किमतीत विकण्याचा दावा करतात. तसेच आपल्याला पैशांची गरज असल्याने आपण फोन विकत असल्याचा आव आणतात. त्यामुळे सर्वसामान्य लोक या भुलथापांना भुलतात. तसेच डोळे झाकून पेमेंट करतात. मात्र असा फोन जेव्हा घरी आणून चालू केला जातो. तेव्हा हा बनावट फोन असल्याचं निदर्शनास येतं. दरम्यान, अशी फसवणूक टाळण्यासाठी तुम्ही संचार साथी या सरकारी पोर्टलची मदत घेऊ शकता. या पोर्टलच्या मदतीने कुठल्याही स्मार्टफोनचं रिपोर्ट कार्ड तुम्ही पाहू शकता. यामध्ये मोबाईलच्या निर्मात्याचं नाव, मॉडेल क्रमांक आणि डिटेल्स तपासता येतात. 

तुमचा फोन खरा आहे की खोटा? या प्रक्रियेद्वारे तपासा
- संचार साथी पोर्टलवर जा
-स्क्रोल डाऊन करा, खाली KYM (Know genuineness of your mobile handset) नावाचा एक पर्याय मिळेल. त्यावर क्लिक करा.
- त्यानंतर दिसत असलेला कॅप्चा एंटर करा आणि मोबाईल क्रमांक टाका
- त्यानंतर नंबरवर येणारा ओटीपी एंटर करावा लागेल
- त्यानंतर हँडसेटचा IEMI क्रमांक एंटर करा
- अँड्रॉईड आणि आयफोन युझर्ससाठी IEMI क्रमांक जनरेट करण्याचा प्रक्रिया वेगवेगळी आहे.
-अँड्रॉईड स्मार्टफोनमध्ये डायलपॅडला ओपन करा आणि तिथे *#06# एंटर करा. त्यानंतर तुम्हाला स्क्रीनवर दोन्ही IEMI  क्रमांक दिसतील. 
-आयफोनमध्ये IEMI क्रमांक तपासण्यासाठी युझर्सनां सेटिंगमधील जनरल आणि नंतर अबाऊटमध्ये जाऊन स्क्रोल डाऊन करावं लागेल. 
-संचार साथी पोर्टलवर सगळी माहिती टाकल्यानंतर स्क्रीनवर त्या मोबाईलची सगळी कुंडली दिसू लागेल. हा फोन बनवणाऱ्या कंपनीचं नाव, त्याचा मॉडेल क्रमांक, त्यानंतर ही माहिती हँडसेटसोबत पडताळून घ्या.