अनेकदा आपल्याला असा अनुभव येतो की, आपण एखाद्या वस्तूबद्दल मित्रांशी बोलतो आणि काही वेळातच त्याच वस्तूची जाहिरात आपल्या इन्स्टाग्राम फीडवर झळकू लागते. हे पाहून अनेकदा आपण चक्रावून जातो. इन्स्टाग्राम आपले बोलणे चोरून ऐकतेय की काय? असा प्रश्न युजर्सना पडतो. जरी इन्स्टाग्रामचे प्रमुख ॲडम मोसेरी यांनी हे दावे फेटाळले असले, तरी तुमच्या प्रत्येक हालचालीवर कंपनीचे बारीक लक्ष असते. या 'हायपर-पर्सनलाइज्ड' जाहिरातींपासून सुटका मिळवायची असेल, तर काही महत्त्वाच्या सेटिंग्ज बदलणे गरजेचे आहे.
इन्स्टाग्रामला कसे कळते तुमचे मन?
इन्स्टाग्राम तुमचे बोलणे ऐकत नाही, पण तुमचे ॲपमधील वर्तन टिपते. तुम्ही कोणत्या पोस्ट लाईक करता, काय सर्च करता आणि कोणत्या प्रोफाईलवर जास्त वेळ घालवता, याचा सखोल अभ्यास केला जातो. याशिवाय 'मेटा पिक्सेल' आणि 'कुकीज'च्या मदतीने तुम्ही इतर वेबसाइट्सवर काय पाहता, याची माहितीही इन्स्टाग्रामकडे पोहोचते. याच डेटाच्या जोरावर तुम्हाला अगदी तुमच्या आवडीच्या जाहिराती दाखवल्या जातात.
'पर्सनल ॲड्स' कशा थांबवायच्या?
जर तुम्हाला या जाहिराती त्रासदायक वाटत असतील, तर खालील सोप्या स्टेप्स फॉलो करा:
१. Meta Accounts Centre मधून जाहिरातींच्या सेटिंग्ज बदला:
- इन्स्टाग्राम ॲपमध्ये जाऊन तुमच्या प्रोफाइलवरील उजव्या कोपऱ्यातील तीन ओळींवर (मेनू) क्लिक करा.
- 'Accounts Centre' मध्ये जा.
- खाली स्क्रोल केल्यावर 'Ad preferences' हा पर्याय दिसेल.
- तिथे 'Manage info' मध्ये जाऊन 'Activity information from ad partners' निवडा.
- आता 'Review setting' वर टॅप करा आणि तुमची माहिती जाहिरातींसाठी वापरली जाऊ नये, असा पर्याय निवडा.
२. Meta बाहेरील ट्रॅकिंग बंद करा:
-'Accounts Centre' मध्येच 'Your information and permissions' विभागात जा.
- तिथे 'Your activity off Meta technologies' हा पर्याय निवडा.
येथे तुम्ही तुमची जुनी अॅक्टिव्हिटी डिलीट करू शकता किंवा भविष्यातील ट्रॅकिंग पूर्णपणे बंद करू शकता. यामुळे तुम्ही बाहेर कोणत्या वेबसाईट पाहता, याची माहिती मेटाला मिळणार नाही.
हे लक्षात ठेवा...
या सेटिंग्ज बदलल्यामुळे इन्स्टाग्रामवर जाहिराती येणे पूर्णपणे बंद होणार नाही. मात्र, त्या तुमच्या खासगी आयुष्याशी किंवा तुम्ही केलेल्या सर्चशी संबंधित नसतील. हल्ली मेटा व्हॉट्सॲप स्टेटस आणि मेटा एआय चॅटबॉटमधील माहितीचाही वापर जाहिरातींसाठी करत आहे, त्यामुळे वेळोवेळी प्रायव्हसी सेटिंग्ज तपासणे तुमच्या हिताचे ठरेल.
Web Summary : Instagram personalizes ads by tracking your app activity and browsing history using Meta Pixel and cookies. To limit targeted ads, adjust ad preferences in Meta Accounts Centre and disable off-Meta tracking. This won't eliminate ads, but they'll be less personalized.
Web Summary : इंस्टाग्राम मेटा पिक्सेल और कुकीज़ का उपयोग करके आपकी ऐप गतिविधि और ब्राउज़िंग इतिहास को ट्रैक करके विज्ञापनों को निजीकृत करता है। लक्षित विज्ञापनों को सीमित करने के लिए, मेटा अकाउंट सेंटर में विज्ञापन प्राथमिकताएं समायोजित करें और मेटा ट्रैकिंग को बंद करें। इससे विज्ञापन समाप्त नहीं होंगे, लेकिन वे कम निजीकृत होंगे।