Amazon वर सध्या मान्सून कार्निवल सेल सुरु आहे, या सेलमध्ये अनेक स्मार्टफोन्स स्वस्तात मिळत आहेत. त्यामुळे तुम्ही 30 हजार रुपयांच्या बजेटयामध्ये एक दमदार स्मार्टफोन विकत घेण्याचा विचार करत असाल तर iQOO Neo 6 5G तुमच्यासाठीच मोठ्या डिस्काउंटसह उपलब्ध झाला आहे. ही सूट 12 जून 2022 पर्यंत उपलब्ध असेल.
अशी आहे ऑफर
iQOO Neo 6 5G स्मार्टफोनच्या 8 जीबी रॅम व 128 जीबी स्टोरेज मॉडेलची किंमत 29,000 रुपये आहे. तर 12 जीबी 256 जीबी मॉडेल 33,999 रुपयांमध्ये विकला जात आहे. अॅमेझॉन मान्सून कार्निवल सेलमध्ये मात्र तुम्ही 3,000 रुपयांची मोठी सूट मिळवू शकता. यासाठी तुम्हाला ICICI बँकेच्या क्रेडिट किंवा डेबिट कार्डचा वापर करून पेमेंट करावं लागेल. तसेच तुम्ही जुना फोन एक्सचेंज करून आणखी 13,500 रुपयांपर्यंतची बचत करू शकता.
iQOO Neo 6 स्पेसिफिकेशन्स
iQOO Neo 6 स्मार्टफोनमध्ये 6.62-इंचाचा FHD+ E4 AMOLED डिस्प्ले देण्यात आला आहे. जो 120Hz रिफ्रेश रेट 1200Hz टच सॅम्पलिंग रेट आणि 1300 निट्स पीक ब्राईटनेसला सपोर्ट करतो. iQOO Neo 6 स्मार्टफोनमध्ये ट्रिपल रियर कॅमेरा सेटअप देण्यात आला आहे. ज्यात 64MP चा प्रायमरी कॅमेरा OIS ला सपोर्टसह मिळतो. सोबत 8MP ची अल्ट्रावाईड लेन्स आणि 2MP चा मॅक्रो कॅमेरा आहे. यात 16MP चा सेल्फी शूटर देण्यात आला आहे.
iQOO Neo 6 स्मार्टफोनमध्ये क्वालकॉमचा Snapdragon 870 प्रोसेसर देण्यात आला आहे. जो जुन्या जेनरेशनचा फ्लॅगशिप प्रोसेसर आहे. सोबत 12GB पर्यंतचा LPDDR4x RAM आणि 256GB पर्यंतची वेगवान UFS 3.1 स्टोरेज मिळते. सोबत 4GB व्हर्च्युअल रॅम देखील मिळतो. आयकूचा हा अँड्रॉइड 12 स्मार्टफोन फनटच ओएस 12 वर चालतो. यातील लिक्विड कूलिंग सिस्टम हेवी परफॉर्मन्सनंतर देखील फोन थंड ठेवते.
iQOO Neo 6 स्मार्टफोनमध्ये पावर बॅकअपसाठी 4,700mAh ची बॅटरी मिळते जी 80W फास्ट चार्जिंगला सपोर्ट करते. तसेच यात X-अॅक्सिस लीनियर व्हायब्रेशन मोटर आणि इन-डिस्प्ले फिंगरप्रिंट सेन्सर मिळतो. तर कनेक्टिव्हिटीसाठी Bluetooth 5.2, NFC, 5G, 4G LTE आणि Wi-Fi मिळतो.