छोटी कंपनी करणार मोठी कामगिरी; 108MP कॅमेरा परवडणाऱ्या किंमतीत आणण्याची Infinix ची योजना
By सिद्धेश जाधव | Published: June 29, 2022 11:28 AM2022-06-29T11:28:44+5:302022-06-29T11:28:55+5:30
Infinix Note 12 Series अंतगर्त दोन 5G फोन्स भारतात लाँच केले जाऊ शकतात.
छोटी कंपनी करणार मोठी कामगिरी; 108MP कॅमेरा परवडणाऱ्या किंमतीत आणण्याची Infinix ची योजना
Next Infinix Note 12 Series मधील Infinix Note 12 आणि Infinix Note 12 Turbo स्मार्टफोन भारतात लाँच झाले आहेत. परंतु आता या सीरिजचा विस्तार करत कंपनीनं 5G मॉडेल्स आणण्याची तयारी करत आहे. लवकरच Infinix Note 12 5G आणि Note 12 Pro 5G स्मार्टफोन भारतीयांच्या सेवेत दाखल होऊ शकतात. अशी माहिती कंपनीनं टीज केली आहे.
Infinix नं भारतात Note 12 5G आणि Note 12 Pro 5G स्मार्टफोन लाँच होणार असल्याची माहिती दिली आहे. हे फोन्स 12 5G बँड्ससह सादर केले जाऊ शकतात. मीडिया रिपोर्ट्सनुसार येत्या काही आठवड्यात हे हँडसेट येऊ शकतात. यातील एक मॉडेल 108MP च्या प्रायमरी कॅमेऱ्यासह येऊ शकतो. हा जागतिक बाजारात आलेला Infinix Note 12 VIP असण्याची शक्यता आहे.
Infinix Note 12 VIP चे स्पेसिफिकेशन्स
इनफिनिक्स नोट 12 व्हीआयपी फोनमध्ये 6.7 इंचाचा FHD+ AMOLED डिस्प्ले देण्यात आला आहे, जो 120Hz रिफ्रेश रेटला सपोर्ट करतो. याला MediaTek Helio G96 प्रोसेसरची पावर देण्यात आली आहे. सोबत 8GB RAM आणि 5GB व्हर्च्युअली RAM मिळून एकूण 13GB RAM आहे. हँडसेटमध्ये Android 12 बेस्ड XOS 10.6 ऑपरेटिंग सिस्टम देण्यात आली आहे.
फोटोग्राफीसाठी फोनमध्ये ट्रिपल रियर कॅमेरा सेटअप मिळतो, ज्यात 108MP चा मुख्य कॅमेरा आहे. तसेच 13MP ची अल्ट्रावाईड अँगल लेन्स आणि एक डेप्थ सेन्सर मिळतो. फ्रंटला 16MP चा सेल्फी कॅमेरा आहे. या व्हीआयपी पावर बॅकअपसाठी 4,500mAh ची बॅटरी देण्यात आली आहे, जी 120W हायपर चार्ज सिस्टमला सपोर्ट करते. त्यामुळे फक्त 17 मिनिटांत हा फुलचार्ज होतो. Infinix Note 12 VIP ची किंमत 300 डॉलर्स (जवळपास 23,300 रुपये) आहे.