HP Chromebook 11a: लाईट गेली, बॅटरी संपली कारणे नकोत! HP चा 16 तासांचा बॅकअप देणारा स्वस्त लॅपटॉप लाँच
By ऑनलाइन लोकमत | Published: April 6, 2021 03:09 PM2021-04-06T15:09:35+5:302021-04-06T15:10:28+5:30
HP Chromebook 11a launched: कोरोनाच्या लाटेमुळे सध्या भारतातच नाहीतर जगभरात जवळपास घरातूनच काम सुरु आहे. तसेच शाळकरी मुलांचे घरूनच शिक्षण सुरु आहे. अशावेळी मुलांना लॅपटॉप द्यायचा की काम करायचे असा प्रश्न पडतो.
HP Chromebook 11a: लाईट गेली, बॅटरी संपली कारणे नकोत! HP चा 16 तासांचा बॅकअप देणारा स्वस्त लॅपटॉप लाँच
कोरोनाच्या लाटेमुळे सध्या भारतातच नाहीतर जगभरात जवळपास घरातूनच काम (Work From Home) सुरु आहे. ज्यांना शक्य आहे ते घरातून तर ज्यांना शक्य नाही ते कंपनीत जाऊन काम करत आहेत. आता कोरोनाची दुसरी लाट आली असून पुन्हा घरातूनच काम करावे लागणार आहे. मुलेही घरातूनच शिक्षण (Education from Home) घेत आहेत. अशावेळी एचपी कंपनीने असा एक भन्नाट लॅपटॉप आणला आहे ज्याची बॅटरी तब्बल 16 तास चालणार आहे. (HP Chromebook 11a With MediaTek MT8183 Octa-Core Processor, Up to 16 Hour Battery Life Launched in India)
HP Chromebook 11a भारतात लाँच झाला आहे. हे क्रोमबुक खासकरून शाळकरी मुले म्हणजेच दुसरी ते सातवी इयत्तेतील मुलांसाठी बनविण्यात आले आहे. महत्वाचे म्हणजे हा लॅपटॉप अजिबात जड नाहीय. या लॅपटॉपचे वजन 1 किलो आहे. तसेत यामध्ये मीडियाटेक एमटी 8183 ऑक्टा-कोर प्रोसेसर वापरण्यात आला आहे.
या लॅपटॉपमध्ये व्हॉईस इनेबल्ड गुगल असिस्टंस आणि 1 वर्षासाठी गुगल वनचे फ्री सबस्क्रिप्शन देण्यात आले आहे. यामध्ये गुगल वनचे 100 जीबी क्लाऊड स्टोरेज आणि 1 वर्षासाठी गुगल एक्सपर्टचा अॅक्सेस व अन्य एक्सक्लुझिव्ह मेंबर बेनिफिट्स देण्यात येणार आहेत. हा लॅपटॉप क्रोम ओएसवर काम करतो. या डिव्हाईसमध्ये गुगल प्ले स्टोअरचा अॅक्सेस मिळतो. यामध्ये 11.6 इंचाचा एचडी (1,366x768 पिक्सल) आयपीएस टच डिस्प्ले देण्यात आला आहे.
लॅपटॉपमध्ये मीडियाटेक MT8183 ऑक्टा कोअर चिपसेटसोबत 4 जीबी रॅम आणि 64 जीबी स्टोरेज देणअयात आली आहे. ही स्टोरेज 256 जीबी पर्यंत वाढविण्यात येऊ शकते. HP Chromebook 11a मध्ये 37 WHr Li-Ion पॉलिमर बॅटरी देण्यात आली आहे. ही बॅटरी 16 तासांचा बॅकअप देत असल्याचा दावा कंपनीने केला आहे. युएसबी टाईप-ए आणि टाईप सी पोर्ट देण्यात आला आहे.
कनेक्टिव्हीटीसाठी यामध्ये वायफाय 5 आणि ब्ल्यूटूथ व्हर्जन 5 देण्यात आले आहे. याची लांबी रुंदी 285x192.8x16.8 मीमी आहे. यामध्ये लेटेस्ट एचपी टू व्हिजन एचडी वेब कॅमेरा देण्यात आला आहे. या क्रोमबुकची किंमतही 21,999 ठेवण्यात आली आहे.
