रील्स पाहण्यासाठी प्रत्येकजण आपल्या फोनवर इन्स्टाग्राम सुरू करतं. तुम्ही इतर कोणत्याही एपवर असलात तरी, तुम्हाला रील्ससाठी इन्स्टाग्रामवर स्विच करावं लागतं. पण Whatsapp युजर्ससाठी खूशखबर आहे. ते Whatsapp वर रील्स शोधू शकतात. तुमचा विश्वास बसत नसला तरी ते शक्य आहे. रील्स Whatsapp वर मिळू शकतात आणि नंतर तुम्ही तुम्हाला आवडणारे रील्स पाहू शकता. काही ट्रिकच्या मदतीने अँड्रॉइड आणि आयओएस युजर्स त्यांच्या Whatsappवर रील्स शोधू शकतात.
जर तुम्हाला WhatsApp वर रील्स पाहायचे असतील तर सर्वप्रथम तुमचं एप ओपन करा. मेटा आयकॉन दिसेल. अँड्रॉइड आणि आयफोनमध्ये त्याची प्लेसमेंट वेगळी असू शकते. काही लोकांना हे आयकॉन अगदी खाली दिसेल, तर काहींना तो थोडा वर दिसेल. मेटा आयकॉनवर क्लिक केल्यानंतर, तुमच्यासमोर एक नवीन युजर इंटरफेस दिसेल. मग तुम्हाला कमांड द्यावी लागेल. शो मी रील्स किंवा शो मी बॉलिवूड रील्स अशी कमांड द्यावी लागेल. यानंतर मेटा एआय तुम्हाला ४ ते ५ रील्स दाखवेल.
जर तुम्हाला मेटा एआयने दाखवलेले रील्स समजत नसतील, तर तुम्ही दुसऱ्या कमांड देऊ शकता. जर तुम्हाला टेक्नॉलॉजीवरचे रील्स पाहायचे असतील तर तशी कमांड द्या. जर तुम्हाला मोबाईल अनबॉक्सिंगवर रील पाहायचे असेल तर ती कमांड द्या. लक्षात ठेवा की, तुम्हाला तुमचा मेसेज चॅटबॉक्समध्ये लिहावा लागेल. मेटा एआय तुम्हाला रील्स दाखवत राहील.
जर तुम्हाला मेटा एआयने दाखवलेली कोणतीही रील आवडली आणि तुम्ही त्यावर क्लिक केलं तर तुम्हाला इन्स्टाग्रामवरच स्विच केलं जाईल. म्हणजे तुम्हाला ती रील Whatsapp वर मिळाली, पण ती इन्स्टाग्रामवर सुरू होईल. Whatsapp वरील मेटा एआयचे हे इंटीग्रेशन युजर्सना रील्स दाखवण्यासोबतच त्यांच्यासाठी इतर अनेक कामं देखील पूर्ण करू शकतं. युजर्ससाठी Whatsapp नवनवीन फीचर्स आणत असतं.