नवी दिल्ली - नातेवाईक, मित्रमैत्रिणींशी संवाद साधण्यासाठी मोठ्या प्रमाणात व्हॉट्सअ‍ॅपचा वापर केला जातो. व्हॉट्सअ‍ॅप हे संवाद साधण्याचं प्रभावी माध्यम आहे. मेसेजसोबतच फोटो आणि व्हिडीओ शेअर करून चॅटिंगची गंमत वाढवता येते. व्हॉट्सअ‍ॅपवर अनेकांशी संवाद साधत असताना त्यातील काही व्यक्ती या खास असतात. तर काही मेसेज हे अत्यंत महत्त्वाचे असल्याने ते सेव्ह करणं गरजेचं असतं.
व्हॉट्सअ‍ॅपवरच्या महत्त्वाच्या गोष्टी डिलीट झाल्यास अनेक समस्यांचा सामना करावा लागतो. व्हॉट्सअ‍ॅप नेहमीच आपल्या युजर्ससाठी सातत्याने नवनवीन फीचर्स आणत असतं. असंच एक भन्नाट फीचर व्हॉट्सअ‍ॅपमध्ये आहे ज्याच्यामदतीने खास मेसेज सेव्ह करता येतात. व्हॉट्सअ‍ॅपवरच्या अशा सीक्रेट गोष्टी, मेसेज हे जीमेलमध्ये कशा सेव्ह करायच्या हे जाणून घेऊया.
WhatsApp वरच्या सीक्रेट गोष्टी Gmail वर करता येतात सेव्ह, कसं ते जाणून घ्या
- सर्वप्रथम फोनमध्ये व्हॉट्सअ‍ॅप ओपन करा.
- व्हॉट्सअ‍ॅपमध्ये कोपऱ्यात देण्यात आलेल्या तीन डॉटवर क्लिक करा.
- सेटींग ऑप्शनमध्ये जाऊन अकाऊंटच्या खाली देण्यात आलेल्या चॅट्स सेक्शनमध्ये जा.
- चॅट हिस्ट्री ऑप्शन देण्यात आला आहे त्यावर क्लिक करा.
- Export chat वर टॅप करा. त्यानंतर पूर्ण चॅट लिस्ट ओपन होईल.
- जो कॉन्टॅक्ट नंबरची चॅट हिस्ट्री सेव्ह करायची आहे किंवा एक्सपोर्ट करायची आहे ती सिलेक्ट करा.
- Without Media आणि Include Media चा यानंतर ऑप्शन मिळेल.
- चॅट मीडिया फाईल्ससोबत सेव्ह करायचं असल्यास Include Media सिलेक्ट करा.
- मीडिया फाईलसोबत 10 हजार चॅट आणि फाईल्स शिवाय 40 हजार चॅट एक्सपोर्ट करता येतं.
- असं केल्यानंतर व्हॉट्सअ‍ॅप चॅट शेअर करण्यासाठी एक ऑप्शन सिलेक्ट करायला सांगेल.
- जीमेल सिलेक्ट करून ईमेल आयडी आणि अन्य माहिती द्या.
- व्हॉट्सअ‍ॅपवरचं चॅट यानंतर ईमेल इनबॉक्समध्ये .txt फॉरमॅटमध्ये पोहोचेल.
WhatsApp स्टेटसमधले फोटो आणि व्हिडीओ सेव्ह करायचेत? कसं ते जाणून घ्या
Whatsapp's New Feature : व्हॉट्सअ‍ॅप आणणार 'मिस्टर इंडिया' फीचर; जाणून घ्या खास बात!
व्हॉट्सअ‍ॅप एक भन्नाट फीचर व्हॉट्सअ‍ॅप लवकरच आणणार आहे. डिसअ‍ॅपेरिंग मेसेज असं या नव्या फीचरचं नाव असून यामध्ये मेसेजचा वेळ ठरवता येणार आहे. WABetaInfo ने दिलेल्या माहितीनुसार, व्हॉट्सअ‍ॅप एका भन्नाट फीचरवर काम करत आहे. यामध्ये पाठवलेला मेसेज किती वेळ दिसेल याची वेळ पाठवणाऱ्याला ठरवता येणार आहे. म्हणजेच एखाद्याने मेसेज केला तर त्या मेसेजचे आयुष्य ठरवता येणार आहे. ही वेळ संपल्यानंतर चॅट आपोआप डिलीट होणार आहे. व्हॉट्सअ‍ॅपमध्ये लवकरच डिसअ‍ॅपेरिंग हे फीचर देण्यात येणार आहे. हे सिलेक्ट केल्यावर सर्व चॅट गायब होणार आहे. टेलिग्राम अ‍ॅपवर हे फीचर आधीपासूनच उपलब्ध आहे.
'या' बातम्याही नक्की वाचा
4G, 5G ला विसरा आता 6G येणार, 'या' देशात इंटरनेट सुस्साट
Airtel Plan : एअरटेलच्या 'या' प्रीपेड प्लॅनवर मिळणार 2 लाखांचा विमा आणि बरंच काही...
Instagram टिकटॉकला टक्कर देणार, बुमरँगमध्ये नवीन फीचर्स मिळणार
Whatsapp Web वरचे 'हे' खास फीचर्स माहीत आहेत का?
आता स्मार्टफोनला करा टीव्हीचा रिमोट; कसं ते जाणून घ्या