Flipkart Big Diwali Sale: फ्लिपकार्टवर (Flipkart) बिग दिवाळी सेल (Big Diwali Sale) पुन्हा सुरू झाला आहे. गेल्या वेळेप्रमाणे यावेळीही iPhone 12 वर जबरदस्त ऑफर्स देण्यात येत आहे. हा स्मार्टफोन ग्राहकांना अधिक स्वस्त दरात घेण्याची संधी उपलब्ध करुन देण्यात आली आहे. यापूर्वीच्या सेलमध्ये जर हा फोन खरेदी करण्याची संधी तुमची हुकली असेल तर आता तुम्हाला पुन्हा एकदा संधी मिळणार आहे. iPhone 12 हा सेलमध्ये तुम्हाला 53,999 रूपयांमध्ये खरेदी करता येणार आहे. ही पूर्वीप्रमाणेच किंमत असली तरी यामध्ये अतिरिक्त सूटही देण्यात येत आहे. तुम्हाला iPhone 12 64GB व्हेरिअंट कमीतकमी 49,999 रूपयांत खरेदी करण्याची संधी मिळणार आहे.
iPhone 13 लाँच झाल्यानंत यापूर्वीच्या iPhone च्या किंमतीत कपात करण्यात आली. किंमतीत कपात केल्यानंतर iPhone 12 64GB व्हेरिअंट अॅपल स्टोअरवर 65,900 रूपयांना उपलब्ध आहे. जर तुम्ही ऑनलाइन किंवा ऑफलाइन हा फोन खरेदी केला तर तुम्हाला याची तितकी किंमत द्यावी लागेल. परंतु ऑफर अंतर्गत फ्लिपकार्टवर हा फोन अधिक स्वस्तात मिळत आहे.
4 हजारांची अतिरिक्त सूटजर तुमच्याकडे SBI Card असेल तर तुम्हाला या iPhone वर 4 हजार रूपयांची अतिरिक्त सूट मिळेल. यानंतर तुमच्या iPhone 12 ची किंमत 49,999 रूपये इतकी होईल. जर तुम्ही फ्लिपकार्ट अॅपचा वापर करत असाल तर तुम्हाला ही सूट दिसेल. परंतु जर तुम्ही वेबसाईटद्वारे पाहत असाल तर तुम्ही आपल्या कार्टमध्ये पेमेंटसाठी जाल तेव्हा 1250 रूपयांची दोन आणि 1500 रूपयांची एक ऑफर दिसून येईल, याद्वारे तुम्हाला 4 हजार रूपयांचा लाभ मिळेल. याशिवाय या फोनवर ग्राहकांना एक्सचेंज ऑफर्सचाही लाभ मिळत आहे. जर तुम्ही तुमचा जुना फोन एक्सचेंज करणार असाल तर तुम्हाला 14950 रूपयांपर्यंत ऑफ मिळेल. यानंतर तुम्ही तो फोन 35 हजारांत खरेदी करू शकाल.