जबरदस्त! भारतात Apple'ने पहल्या तिमाहीत विक्रीचं बनवलं रेकॉर्ड, ९४.९ अब्ज डॉलरचा विक्रमी महसूल

Apple'चे सीईओ टिम कुक यांनी ही माहिती शेअर केली आहे. यात त्यांनी भारतात कंपनीने मार्चमध्ये संपलेल्या तिमाहीत ९४.९ अब्ज डॉलरचा विक्रमी महसूल नोंदवला आहे.

आयफोन आणि स्मार्ट डिव्हाइसची निर्मिती करणारी कंपनी Apple ने यावर्षी जानेवारी ते मार्च तिमाहीत देशात विक्रमी विक्री नोंदवली आणि वर्ष-दर-वर्षाच्या आधारावर दुहेरी अंकी वाढ साधली आहे. कंपनीचे सीईओ टिम कुक यांनी ही माहिती दिली. कुक गेल्या महिन्यातच भारतात आला होता आणि त्यांनी मुंबई आणि नवी दिल्ली येथे कंपनीच्या पहिल्या ब्रँड रिटेल स्टोअरचे उद्घाटन केले. Appleने मार्चमध्ये संपलेल्या तिमाहीत ९४.८ अब्ज डॉलरची विक्रमी कमाई नोंदवली, जी अपेक्षेपेक्षा चांगली आहे.

भारतातील व्यवसाय पाहता, आम्ही एक विक्रमी तिमाही प्रस्थापित केली आहे,” असं कुकने सांगितले. वर्ष-दर-वर्ष आधारावर मजबूत दुहेरी अंकी वाढ नोंदवली. त्यामुळे आमच्यासाठी तो खूप चांगला तिमाही होता. भारत एक आश्चर्यकारकपणे रोमांचक बाजारपेठ आहे. हे आमच्यासाठी एक प्रमुख लक्ष आहे. बाजारातील गतिशीलता अविश्वसनीय आहे. Apple अधिकाधिक ग्राहकांना सेवा देण्यासाठी कालांतराने भारतातील कामकाजाचा विस्तार करत आहे, असंही टीम कुकने सांगितले आहे. 

Mudra Yojana Details: कुठल्याही गॅरंटीशिवाय मिळवा 10 लाख रुपयांचे सरकारी कर्ज, असा करा अर्ज...

कुक म्हणाले, तीन वर्षांपूर्वी आम्ही Apple स्टोअर ऑनलाइन सुरू केले. आणि मग आम्ही काही आठवड्यांपूर्वी दोन स्टोअर्स लाँच केले - एक मुंबईत आणि एक दिल्लीत - ज्यांनी खूप चांगली सुरुवात केली आहे. अॅपलला देशात अनेक चॅनल पार्टनरही मिळाले आहेत. एकंदरीत, मी ब्रँडसाठी जो उत्साह पाहत आहे त्यामुळे मी अधिक आनंदी आणि उत्साहित होऊ शकत नाही," Apple CEO म्हणाले. बरेच लोक मध्यमवर्गात येत आहेत आणि मला वाटते की भारत एका वळणावर आहे. तेथे असणे खूप छान आहे.

कंपनीने मेक्सिको, इंडोनेशिया, फिलीपिन्स, सौदी अरेबिया, तुर्की आणि संयुक्त अरब अमिरातीमधील कोणत्याही तिमाहीसाठी आणि ब्राझील, मलेशिया आणि भारतातील जानेवारी-मार्च तिमाहीसाठी नवीन विक्रम केले आहे.