Airtel नं आपली नवीन ओटीटी सर्व्हिस Xstream Premium नावानं सादर केली आहे. या अॅपमध्ये युजर्सना SonyLIV, Eros Now सह 15 OTT प्लॅटफॉर्मचा अॅक्सेस एकाच ठिकाणी मिळेल. ही सेवा 149 रुपये महिना किंवा वर्षाला 1,499 रुपये देऊन सब्सक्राइब करता येईल. तसेच Airtel DTH युजर्ससह मोबाईल, वेब आणि स्मार्ट टीव्हीवरून देखील ही सेवा वापरता येईल.
Airtel Xstream Premium सर्विसमध्ये अनेक OTT प्लॅटफॉर्म एकत्र इंटिग्रेट करण्यात आले आहेत. त्यामुळे फक्त एका सब्सक्रिप्शनमध्ये मल्टीपल प्लॅटफॉर्मची सेवा युजर्सना मिळेल. सध्या Airtel प्रीपेड आणि पोस्टपेड मोबाईल युजर्सना Xstream सर्विस मोफत मिळते. परंतु सब्सक्रिप्शन मोड रोल आउट झाल्यानंतर त्यांना Premium सर्विस घ्यावी लागेल.
कंपनीच्या या सर्विसमध्ये 10,500 पेक्षा मुव्हीज, शो आणि लाईव्ह चॅनेल्सचा अॅक्सेस मिळेल. तसेच SonyLIV, ErosNow, Lionsgate Play, Hoichoi, ManoramaMax, Shemaroo, Ultra, HungamaPlay, EPICon, Docubay, DivoTV, Klikk, Nammaflix, Dollywood आणि Shorts TV चा इंटिग्रेटेड कंटेंट एकाच ठिकाणी बघता येईल.
हे देखील वाचा: