सोलापूर : संजय राऊत हे खूप मोठ्या गॅपमधून बाहेर आले आहेत, त्याच्यावर शारीरिक, मानसिक आघात होत असावेत, त्याच्या परिणाम दूरगामी असतो. त्यातून ते अजून ही बाहेर आले नाहीत, त्यामुळे ते अशा पद्धतीचे वक्तव्य करत राहतात त्यांच्याकडे लक्ष देण्याची गरज नाही अशी टीका भाजपच्या नेत्या चित्रा वाघ यांनी शिवसेनेचे नेते खा. संजय राऊत यांच्यावर केली.
भारतीय जनता पार्टीच्या महिला प्रदेशच्या प्रमुख चित्रा वाघ आज सोलापूर दौऱ्यावर आहेत. भाजपच्या वतीने आयोजित केलेल्या महिला मेळाव्यास त्या उपस्थित राहणार असून तत्पूर्वी त्यांनी सोलापुरात पत्रकारांशी संवाद साधला.
शिंदे - फडणवीस सरकार जोरदारपणे काम करत आहे. सरकार जाणार याबाबत मला काही माहिती नाही, पण संजय राऊत यांची झोप झाली नाही त्यांना झोपीची गरज आहे, झोप झाली की ते जागावर येईल ते व्यवस्थित बोलतील असेही चित्रा वाघ यांनी बोलले.शिंदे- फडणवीस सरकार हे फेसबुकवरच ऑनलाइन सरकार नाही, लोकांच्या फेसवरती स्माईल आणणारे सरकार आहे. ऑनलाइन सरकार नाही ऑनफीड सरकार आहे. राज्यातील अनेक मंत्री हे मंत्रालयात न बसता ऑन फिल्डवर लोकांच्या समस्या व अडचणी याचबरोबर विकास कामे करण्यासाठी अहोरात्र प्रयत्न करीत आहेत.
त्या पुढे म्हणाल्या की, एकेकाळी मी शरद पवार यांच्या सानिध्यात काम केलं आणि आता मी देवेंद्र फडणवीस यांच्यासोबत काम करीत आहे. देवेंद्र फडणवीस एक व्हिजन असणारा नेता आहे. महाराष्ट्राला एका यशाच्या शिखरावर पोहोचवणारा नेता असेल तर एकमेव देवेंद्र फडणवीस,आणि ते आमचे नेते आहेत त्याचा आम्हाला प्रचंड अभिमान आहे असेही त्या म्हणाल्या.