Solapur News | Latest Solapur News in Marathi | Solapur Local News Updates | ताज्या बातम्या सोलापूर | सोलापूर समाचार | Solapur Newspaper

सोलापूर - बार्शी तालुक्यातील पांगरी-शिराळे मार्गावर असलेल्या शोभेच्या दारुच्या कारखान्यात मोठा स्फोट झाल्याची घटना रविवारी दुपारी घडली आहे. स्फोट इतका मोठा होता की, परिसरातील दहा किलोमीटर पर्यंत गावात या स्फाेटाचा आवाज आला होता. या आवाजाने नागरिकांमध्ये भितीचे वातावरण पसरली होती मात्र नेमकी घटना कळाल्यानंतर नागरिकांनी सुटकेचा निश्वास सोडला. या स्फोटातील फटाक्यामुळे कारखाना परिसरातील दोन किलोमीटरपर्यंतचे गवत जळून खाक होत आहे. शेजारीत चार ते पाच गावातील लोक घटनास्थळावर दाखल झाले आहेत. आगीचे लोण अजूनही पसरत असून अग्निशामक दलाच्या गाड्याच गाड्या घटनास्थळी दाखल होत आहेत. पांगरी-शिराळे गाव परिसरातील चार ते पाच गावचे लोक कारखाना परिसरात दाखल झाले आहेत. आगीत कारखाना संपूर्णपणे भस्मसात झाला आहे. घटनेत आतापर्यंत सात जणांचा मृत्यू झाला असून २० जण जखमी झाल्याची प्राथमिक माहिती पोलिसांनी दिली. अजूनही बचावकार्य सुरू असून आगीचे लोट मोठया प्रमाणात पसरल्याने बचावकार्यास अडथळा निर्माण होत आहे. सोलापूर ग्रामीण पेालिस दलाचे वरिष्ठ पोलिस घटनास्थळी दाखल झाले असून बार्शी, कुर्डूवाडी, सोलापूर, लातूर, उस्मानाबाद, टेंभुर्णी आदी भागातील अग्निशामक दलाच्या गाड्या घटनास्थळी आग विझविण्याचे काम करीत आहेत.

Solapur (Marathi News)

कर्नाटकातील विजयपुरा येथील ज्ञान योगाश्रमाचे प्रमुख सिद्धेश्वर स्वामीजी यांचे अल्पशा आजाराने निधन झाले. ...

२४ तासात निर्णय न झाल्यास उद्यापासून अत्यावश्यक सेवा बंद करण्याचा इशारा. ...

अजित पवार यांच्या विरोधात निदर्शने. ...

कारखान्यात सतत स्फोट होत असल्याने जखमींचा शोध घेण्यात अडचणी येत होत्या. ...