विमानसेवेच्या प्रश्नासाठी सोलापूर विकास मंचचे सदस्य भेटले सुभाष देशमुखांना

सोलापूर विकास मंचच्या सदस्यांनी होटगीरोड विमानसेवे संदर्भात खासदार आमदार सुभाष देशमुख यांच्या समवेत बैठकीत घेतली.

आप्पासाहेब पाटील, सोलापूर : सोलापूरच्या बुद्धीमान तरुणांसाठी सोलापूरातच रोजगार निर्मितीसह नवे उद्योगिक प्रकल्प येण्याकरिता सोलापूरात विमानसेवा त्वरित सुरू होणे अत्यंत गरजेचे आहे, त्यासाठी लोकप्रतिनिधी म्हणून आम्ही कटिबद्ध आहोत असे दक्षिण सोलापूर मतदारसंघाचे आमदार तथा माजी सहकारमंत्री सुभाष देशमुख यांनी सोलापूर विकास मंचच्या पदाधिकाऱ्यां समवेतच्या बैठकीत विचार व्यक्त केले. 

सोलापूर विकास मंचच्या सदस्यांनी होटगीरोड विमानसेवेसंदर्भात खासदार आमदार सुभाष देशमुख यांच्या समवेत बैठकीत घेतली. सोलापूरच्या विकासाशी निगडित विविध विषयांवर चर्चा झाली, प्रामुख्याने होटगी रोड विमानतळावरून नागरी विमानसेवा तातडीने सुरू करण्या संदर्भात सोलापूरच्या जनतेमध्ये असलेल्या गैरसमजाविषयी व्यापक जनजागृतीची आवश्यकता असल्याचा निर्वाळा बैठकीत निघाला. केंद्र सरकारच्या उडान योजने अंतर्गत सोलापूरच्या विमानसेवेसाठी आवश्यक त्या सर्व बाबींची पूर्तता होटगी रोड येथील विमानतळाने केली असुन एअरपोर्ट एथोर्टी ऑफ इंडियाच्या देखरेखीखाली सदर विमानतळ सर्वसोयींनीयुक्त अद्ययावत करण्यात आले आहे. सोलापूरकरांना विमानसेवेचा लाभ त्वरित व्हावा, ह्या दृष्टीने जलद कार्यवाही करावी अशी मागणी सोलापूरकरांच्या वतीने सोलापूर विकास मंचच्या पदाधिकाऱ्यांनी आमदार सुभाष देशमुख यांच्याकडे केली.

यावेळी बैठकीत मिलिंद भोसले, गणेश पेनगोंडा, विजय जाधव, योगीन गुर्जर, ॲड.प्रमोद शहा, आनंद पाटील, ॲड. दत्तात्रय अंबुरे, मनोज क्षीरसागर, रोहित मोरे, गणेश शिलेदार, रोहन मोरे, भारती मनसावाले, अनंत कुलकर्णी आदी मान्यवर उपस्थित होते.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"