सोलापूर : सोलापूरमध्ये सकल मराठा समाजाच्या वतीने सुरू असलेल्या आंदोलनादरम्यान शिवाजी चौकातून आंदोलक हटण्यास तयार नसल्याने अखेर पोलिसांनी लाठीचार्ज केला. पोलिसांनी लाठीजार्च केल्यामुळे जमाव अवघ्या दहा पंधरा सेकंदात पांगला. याचवेळी काही काळ मराठा आंदोलनकर्त्यांनी दगडफेक करून दहशत पसरवण्याचा प्रयत्न केला.
मराठा समाजाला आरक्षण मिळावे या मागणीसाठी सोमवारी सोलापूरात बंद पुकारण्यात आला आहे. यासाठी शिवाजी चौकात आंदोलकांनी धरणे आंदोलन सुरु केले. राज्यभरातील इतर मोर्चांना लागलेले हिंसक वळण लक्षात घेता सोलापूरात चोख पोलीस बंदोबस्त होता. दरम्यान, शिवाजी चौकाच्या चारही बाजूच्या रस्त्यावर गटगटाने कार्यकर्ते जमले आणि त्यांनी लांबून घोषणाबाजी सुरु केली. सध्या शिवाजी चौकात मोठा पोलीस बंदोबस्त तैनात करण्यात आला आहे.