सोलापूर : लग्नाचे आमिष दाखवून ३२ वर्षीय पीडितेला कर्नाटकातील बेंगलोर, म्हैसूर आदी ठिकाणी नेऊन अत्याचार करत नंतर लग्नास नकार दिल्याप्रकरणी कुमारगौरव शरणप्पा वाडी ( वय ४३, रा. हत्तुरे वस्ती) याच्यावर विजापूर नाका पोलिस ठाण्यात गुन्हा दाखल झाला आहे. या बाबत पीडितेने फिर्याद दिली आहे.
पीडितेची ओळख सोलापुरातील आरोपी वाडी याच्याशी जानेवारी २०२३ मध्ये झाली. ओळखीतून आरोपीने पीडितेला लग्नाचे आमिष दाखवले. तसेच तिला कर्नाटकातील बेंगलोर, म्हैसूर आदी ठिकाणी नेऊन पीडितेच्या इच्छे विरूध्द तिच्यावर अत्याचार केला.त्यानंतर मात्र आरोपीने पीडितेला लग्नास नकार दिला, अशा आशयाची फिर्याद पीडितेने दिली आहे. या फिर्यादीवरून आरोपी कुमारगौरव वाडी याच्यावर अत्याचाराचा गुन्हा दाखल झाला आहे. घटनेचा तपास पोलिस करत आहेत.