साेलापूर : मराठा आरक्षण लढ्याचे नेते मनाेज जरांगे यांच्याबद्दल वकिल गुणरत्न सदावर्ते वारंवार अपशब्द वापरत आहेत. सदावर्ते यांच्यामुळे सामाजिक वातावरण खराब हाेत आहे. त्यामुळे सदावर्तेंवर गुन्हा दाखल करा, अशी तक्रार गवळी वस्ती तालीम संघाने पाेलिस आयुक्तांकडे शुक्रवारी पुन्हा केली.
गवळी वस्ती तालिम संघाचे औंदूबर जगताप, हेमंत पिंगळे, लहुजी गायकवाड, चंद्रकांत पवार, बाळासाहेब घुले, शेखर कवठेकर, सुनील कदम, अरविंद गवळी आदींनी पाेलिस आयुक्त राजेंद्र माने यांची भेट घेतली. पाेलिस आयुक्तांना निवेदनही दिले. मराठा आरक्षणाचा विषय गंभीर आहे. राज्यभरातील समाज या विषयावर एकवटला आहे.
तरुण मुले आत्महत्या करीत आहेत. दुसरीकडे गुणरत्न सदावर्ते आपल्या वक्तव्यांमधून समाजाच्या भावना दुखावतील, सामाजिक वातावरण खराब हाेईल अशा प्रकारची वक्तव्ये करीत आहेत. या वक्तव्यांना सरकारने काहीही करुन लगाम घातला पाहिजे. समाजातील शांतता बिघडविण्याचे काम करणाऱ्या व्यक्तीविरुध्द पाेलिसांनी तत्काळ गुन्हा दाखल केला पाहिजे, असेही या पदाधिकाऱ्यांनी सांगितले.