सोलापूर : कार आणि सवारी गाडी यांच्यात समोरासमोर झालेल्या भीषण अपघातात पोलीस कर्मचाऱ्याच्या पत्नीचा मृत्यू झाला तर कारमधील तिघे व सवारी गाडीतील एक जण असे चौघे जण जखमी झाले आहेत. हा अपघात गुरुवारी मध्यरात्री एकच्या सुमारास महूद- दिघंची रोडवरील कटफळ (ता. सांगोला) येथील हॉटेल किनाऱ्याजवळ घडला.
मृत पोलिस कर्मचारी कुटुंबासह गणपतीपुळे येथे गेले होते, तिथून परत येताना हा अपघात घडला. अपघातात मृत्यू व जखमींना ग्रामस्थांनी मदत करून उपचाराकरिता अकलूज, पंढरपूर येथील रुग्णालयात दाखल करण्यात आले आहे.