सोलापूर : रोडच्या बाजूला थांबलेल्या ट्रकला १२ टार अवजड वाहनाने पाठिमागून ठोकल्यानं एका तरुणास गंभीर जखमी व्हावे लागले. बुधवारच्या पहाटे नंदूर-भाटेवाडी रोडवर ही घटना घडली. संजय गुलाब पवार (वय- २०, रा. निमुदी, इंदौर, मध्यप्रदेश) असे जखमी तरुणाचे नाव आहे.
यातील जखमी तरुण हा १२ टायर चाके असलेलेले वाहन चालवत होता. नंदूर-भाटेवाडी रोडच्या बाजूला एक ट्रक थांबलेला होता. पाठिमागून अवजड वाहनानं धडक दिल्याने संबंधीत तरुण जखमी झाला. त्याच्या डोक्याला, पायास जखम झाली. त्रास होत असल्याने बुधवारी सकाळी ९:२० च्या सुमारास त्याला येथील शासकीय रुग्णालयात नांदणी टोलनाक्याजवळील रुग्णवाहिकेद्वारे उपचारासाठी दाखल केले. त्याच्यावर उपचार सुरु असून, तो शुद्धीवर असल्याचे डॉक्टरांनी सांगितले.