आजच्या काळात प्रत्येकजण आपल्या कामात व्यस्त असताना काही लोक असे आहेत जे आपल्या छोट्या छोट्या गोष्टींनी कोणाच्या तरी आयुष्यात खूप आनंद आणतात. झोमॅटोच्या एका डिलिव्हरी बॉयसोबत अशीच एक हृदयस्पर्शी घटना घडली. अगदी झक्कास पद्धतीने डिलिव्हरी बॉयचा वाढदिवस साजरा झाला आहे. जेव्हा झोमॅटोचा डिलिव्हरी बॉय ऑर्डर पोहोचवण्यासाठी गेला आणि तिथे उपस्थित असलेले काही लोक हसतमुखाने त्याची वाट पाहत होते.
खरं तर हे ओळखीचे लोक नसून काही ग्राहक होते ज्यांनी या डिलिव्हरी बॉयसाठी स्पेशल सरप्राईज बर्थडे पार्टीचा प्लॅन केला होता. झोमॅटो डिलिव्हरी बॉय जेवण घेऊन येताच लोकांनी त्याला घेरलं आणि "हॅपी बर्थडे" चं गाणं गात त्याचं जोरदार स्वागत केलं. या खास क्षणाचा व्हिडीओ कृष्णा रतनानी नावाच्या एका युजरने इन्स्टाग्रामवर शेअर केला आहे.
सोशल मीडियावर तुफान व्हायरल होणाऱ्या या ज्यामध्ये डिलिव्हरी बॉय भावूक होताना दिसत आहे. व्हिडिओमध्ये त्याच्या वाढदिवसाचा केक कापण्यात आला, काही क्षणांसाठी तो आपलं काम विसरला आणि त्याला त्या कुटुंबाचा आपण भाग असल्यासारखं वाटू लागलं. या भावनिक पोस्टने सोशल मीडियावर लोकांची मनं जिंकली आहेत.
लोकांनी कमेंटमध्ये या छोट्या हृदयस्पर्शी क्षणाचं भरभरून कौतुक केलं. एका युजरने लिहिलं की, "आपल्याला असं जग हवं आहे आणि त्यासाठी आपल्याला स्वतःला बदलावं लागेल." "कदाचित त्याला हे अपेक्षित नव्हतं, पण हा क्षण त्याच्यासाठी खूप महत्त्वाचा होता.", "तुम्ही लोकांनी त्याचा दिवस नाही तर त्याचं आयुष्य सावरलंय" असं विविध लोकांनी म्हटलं आहे.