VIDEO : नशीबवान! वाघ मागे लागल्याने धावत सुटले होते लोक; अचानक एकाला त्याने पकडलं आणि...

अचानक वाघ एका व्यक्तीला धरून जमिनीवर पाडतो. पण सुदैवाने वाघ त्या व्यक्तीला लगेच सोडतो आणि तेथून पसार होतो.

वाघाने अनेक लोकांवर केलेल्या हल्ल्याचा एक व्हिडीओ सोशल मीडियावर व्हायरल झाला आहे. हा व्हिडीओ ट्विटर यूजर @firozahm ने २४ नोव्हेंबरला शेअर केला होता. यात बघितलं जाऊ शकतं की, कशाप्रकारे लोक ओरडत वाघाचा पाठलाग करत आहे. पण वाघ अचानक पलटून त्यांच्याकडे धावत जातो. मग सगळे लोक जीव वाचवण्यासाठी इतके-तिकडे पळताना दिसत आहेत. अशात अचानक वाघ एका व्यक्तीला धरून जमिनीवर पाडतो. पण सुदैवाने वाघ त्या व्यक्तीला लगेच सोडतो आणि तेथून पसार होतो.

Chasing a human being is not the true nature of a tiger. To arrive at a win-win situation in such human-tiger negative interface, keeping a safe distance and giving space to the animal do work. Via @firozahm@ShivAroorpic.twitter.com/uA7Ujo1qjw

— Ramesh Pandey IFS (@rameshpandeyifs) November 25, 2020

हा व्हिडीओ ट्विटरवर आयएफएस ऑफिसर रमेश पांडे यांनीही शेअर केलाय. त्यांनी कॅप्शनला लिहिले की, 'मनुष्यांचा पाठलाग करणं वाघाचा स्वभाव नाही. मनुष्य आणि जनावरे तेव्हाच आनंदी राहू शकतात जेव्हा त्यांच्यात एक सुरक्षित अंतर राहील. त्यामुळे जनावरांपासून दूर रहा आणि त्यांना जगू द्या'. हा व्हिडीओ सध्या सोशल मीडियावर चांगलाच गाजत आहे.

Manmade Conflict: Sad, but this is expected when people undermine the power of a tiger. Fortunately, intention of the tiger was just domination...
Source: Whats App by Sourav Barkatoki, Tezpur, Assam. pic.twitter.com/ZdryESXH2G

— M Firoz Ahmed (@firozahm) November 24, 2020

ट्विटर यूजर @firozahm ने माहिती दिली की, त्याना हा व्हिडीओ व्हॉट्सअॅपवर आसामच्या तेजपूरहून सौरव बरकतोकी यांनी पाठवला. त्यांनी लिहिले की, 'मनुष्यांद्वारे निर्माण केलेल्या समस्या दु:खदायक आहेत. नशीबाने वाघाचा हे करण्यामागचा उद्देश केवळ आपला परिसर वाचवणं हाच होता'.

व्हिडीओत तुम्ही बघू शकता की, खूपसारे लोक आरडाओरड करत इतके-तिकडे धावत आहेत. अशात वाघ वेगाने धावत येतो आणि एका व्यक्तीला धरून एका खड्ड्यात पडतो. मात्र, वाघ त्या व्यक्तीला काहीच नुकसान पोहोचवत नाही आणि तो लगेच तिथून पळून जातो. वाघाच्या हल्ल्यानंतर ती व्यक्ती उभं राहून जाताना दिसते. हा याचा पुरावा आहे की, वाघ केवळ लोकांना तेथून पळवून लावत होता.