Dog vs Lion Fight, Viral Video: सोशल मीडियावर अनेकदा अशा व्हिडिओ पाहायला मिळतात, ज्यावर विश्वास ठेवणं खूप कठीण असतं. अशाच एका आश्चर्यकारक व्हिडिओला सध्या ट्विटरवर प्रचंड प्रतिसाद मिळत असून तो व्हिडीओ मोठ्या प्रमाणावर पाहिला जात आहे. हा व्हिडिओ जंगलातील आहे. या व्हिडिओमध्ये दोन प्राणी जंगलात एकमेकांशी भांडताना दिसत आहेत. मात्र धूळ उडत असल्याने आणि कॅमेरा दूर असल्याने व्हिडिओच्या सुरुवातीला प्राणी ओळखणं कठीण होतं. पण जेव्हा चित्र स्पष्ट होतं तेव्हा सारेच अवाक् होतात.
व्हिडीओमध्ये आधी धूळ उडत असल्याने प्राणी कोण आहेत ते समजू शकत नाही. पण कॅमेरा झूम केला असता, तेथे कुत्रा थेट सिंहाला आव्हान देत असल्याचं दिसून येतं. यात कुत्र्याच्या धाडसाचे साऱ्यांनाच कौतुक वाटते. कारण हा कुत्रा सिंहाला केवळ आव्हानच देत नाही, तर त्याला इतकी काँटे की टक्कर देऊन सिंहाला माघार घ्यायला भाग पाडतो. पाहा व्हिडीओ-
हा व्हिडिओ पाहून लोकांचा डोळ्यांवर विश्वास बसत नाहीये. ही घटना डोळ्यासमोर घडत असली तरी ही सर्वसाधारण घटना नक्कीच नाही. असे क्वचितच कोणी ऐकले किंवा पाहिले असेल. याच कारणामुळे ट्विटरवर हा व्हिडीओ प्रचंड व्हायरल होत असून कुत्र्याला स्वत: विषयी असलेला आत्मविश्वास पाहून सारेच कौतुक करताना दिसत आहेत.