'देव तारी त्याला कोण मारी' ही म्हण आपण नेहमीच कुठेना कुठे ऐकतो किंवा वाचतो. या म्हणीला साजेशा अनेक घटनाही प्रत्यक्षात आपल्याला बघायला मिळतात. असाच ही म्हण खरी ठरवणारा एक व्हिडीओ सोशल मीडियात व्हायरल झाला आहे. यात मृत्यू एका व्यक्तीला स्पर्शून गेला. इतका की, काही सेकंद त्यालाही कळाले नाही की, नेमकं झालं काय. आणि हा थरार बघताना आपल्याला धडकी भरते.
रोहन दुआने हा व्हिडीओ शेअर केला आहे. आण याच्या कॅप्शनला त्यांनी लिहिले की, 'Jako Rakhe Saiyan, Maar Sake Na Koi, Baal Na Baka Kar Sake Jo Jag Bairi Hove'. ही बातमी लिहेपर्यंत या व्हिडीओला ५ हजारांपेक्षा जास्त व्ह्यूज मिळाले आहेत. लोकांच्या अनेक कमेंट या व्हिडीओवर येत आहेत. काही लोक म्हणत आहेत की, त्याची वेळ आली नव्हती. तर काही म्हणत आहेत की, तो नशीबवान ठरला.
या व्हिडीओत तुम्ही बघू शकता की, एक व्यक्ती रस्त्याने निवांत चालत जात आहे. इतक्यात मागून येणारा एक टेम्पो सुसाट वेगाने त्याच्या जवळून जातो. पुढे जीप आणि कारची टक्करही थोडक्यात टळते. पण इतक्या वेगात त्याच्या जवळून गाडी गेल्यावर तो घाबरतो. त्याचा विश्वासच बसत नाही की, तो वाचलाय. तो आधी मागे धावत सुटतो, पण पुन्हा थांबून गाडीकडे बघतो. पण गाडीचा वेग इतका होता की, गाडी सरळ पुढे निघून जाते. सुदैवाने यात कुणालाच काही इजा होत नाही.
हे पण वाचा:
'बाप' माणूस! मुलाला परिक्षा देता यावी म्हणून वडिलांनी १०५ किमी अंतर सायकलनं पार केलं
अरे देवा! छोट्या भावाला शिकवत होता ड्रायव्हिंग, पुढे जे घडलं त्याचा व्हिडीओ झाला व्हायरल...
सॅल्यूट! अनवाणी पायांनी कर्तव्य करणाऱ्या ट्रॅफिक पोलिसाला पाहून तुम्हीही ठोकाल सलाम