Viral Video:सोशल मीडियावर सक्रिय असलेल्या प्रत्येकाला वेगवेगळ्या प्रकारचे फोटोज तसेच व्हिडिओज पाहायला मिळत असतात. दररोज सोशल मीडियावर वेगवेगळ्या स्वरूपाचा कंटेट शेअर केला जातो. पैकी अनेक फोटो, व्हिडिओ व्हायरल होताना दिसतात. अगदी लहान मुलांसह तरुण पिढी ज्येष्ठ नागरिकही फोटो, व्हिडिओ शेअर करत असतात. काही वेळा भयानक स्वरुपाचे व्हिडिओ समोर येतात जे पाहून अक्षरश: अंगावर काटा येतो. नुकताच सोशल मीडियावर आत्महत्या करतानाच्या विचारात असलेल्या व्यक्तीचा व्हिडिओ प्रचंड व्हायरल होत आहे, जो पाहून तुमच्या पायाखालची माती सरकेल.
काही दिवसांपूर्वी सोशल मीडिया प्लॅटफॉर्म एक्सवर एक व्हिडिओ पोस्ट करण्यात आला आहे. ज्यामध्ये एक व्यक्ती एका उंच इमारतीवरून आत्महत्या करण्याचा प्रयत्न करताना दिसत आहे. आश्चर्याची बाब म्हणजे दिवसाढवळ्या आत्महत्या करण्याच्या विचारात असलेल्या व्यक्तीला कुणीही परावृत्त करण्याचा प्रयत्न नसल्याचे या व्हिडिओत दिसत आहे. याउलट खाली उभे राहून हे चित्र पाहणारे लोक त्याची थट्टा करताना या व्हिडिओत दिसत आहेत. बांधकाम सुरू असलेल्या एका इमारतीच्या सर्वांत शेवटच्या मजल्यावर उभ्या असलेल्या व्यक्तीला पाहण्यासाठी खाली बघ्यांची गर्दी जमली आहे. यामध्ये अरे भावा, लवकर कर, आमच्याकडे वेळ नाही, अशी धक्कादायक प्रतिक्रिया काही जण देताना या व्हिडिओत दिसत आहेत.
जीव देणाच्या विचारात असलेल्या व्यक्तीला पाहण्यासाठी बघ्यांची तोबा गर्दी
जीव देण्याचा विचार करत असलेल्या या व्यक्तीचा हा व्हायरल झालेला व्हिडिओ १८ सेकंदाचा आहे. हा व्हिडिओ ४.०५ लाख फॉलोअर्स असणाऱ्या एक्स यूजरने शेअर केला आहे. १० मजल्याच्या इमारतीवर आत्महत्या करण्यासाठी गेलेली ही व्यक्ती अगदी टोकावर उभा असल्याचे दिसत आहे. या आत्महत्या करणाऱ्या व्यक्तीला पाहण्यासाठी रस्त्यावर लोकांची तोबा गर्दी जमली.
दरम्यान, या व्यक्तीला समजावण्याऐवजी खाली जमलेले लोक त्या व्यक्तीच्या दिशेने खाणाखुणा करताना दिसत आहेत. व्हायरल व्हिडिओमध्ये तिथे जमलेल्या जमावापैकी एक माणूस म्हणतो की, जे काही करायचे आहे ते लवकर कर, आमच्याकडे वेळ नाही. तर, निळ्या रंगाचे कपडे घालून उभा असलेला एक माणूस त्या व्यक्तीला खाली उडी मारण्याचा इशारा करताना व्हिडिओत दिसत आहे. हा व्हिडिओ आफ्रिकामधील आहे. हा व्हिडिओ आतापर्यंत तब्बल १६ लाखांहून अधिक लोकांनी पाहिला आहे.
येथे पाहा व्हिडिओ: