Viral : एका गल्लीतून दुसऱ्या गल्लीत जाण्यासाठी मुलीने बुक केली गाडी, कारण ऐकलंत का?

सोशल मीडियावर एक असा व्हिडीओ व्हायरल होत आहे, ज्यात एका मुलीने चक्क एका गल्लीतून दुसऱ्या गल्लीत जाण्यासाठी गाडी बुक केल्याचे दिसत आहे.

बरेचदा लोक दूरच अंतर पार करण्यासाठी, लांब जाण्यासाठी ऑनलाईन गाडी बुक करतात. पण, आता सोशल मीडियावर एक असा व्हिडीओ व्हायरल होत आहे, ज्यात एका मुलीने चक्क एका गल्लीतून दुसऱ्या गल्लीत जाण्यासाठी गाडी बुक केल्याचे दिसत आहे. आता अवघ्या १८० मीटर रस्ता पार करण्यासाठी तिने गाडी का बुक केली, असा प्रश्न नक्कीच सगळ्यांना पडला असेल. यामागचं कारण ऐकून तुम्हालाही हसू येईल.   

सोशल मीडियावर व्हायरल झालेल्या पोस्टमध्ये एका मुलीने अशा कारणासाठी बाईक बुक केली आहे, जे ऐकून लोक हसत आहेत. मुलीने ओलामधून १ किलोमीटर किंवा अर्धा किलोमीटरसाठी नाही तर १८० मीटरसाठी बाईक बुक केली आहे. कारण पुढच्या गल्लीत कुत्रे आहेत. ज्याच्या भीतीमुळे ती पायी जायला घाबरत आहे. या मुलीने गाडी बुक करताच, जेव्हा बाईक रायडर येतो आणि तिला इतकया कमी अंतरावर जाण्यासाठी गाडी का बुक केली असं विचारतो, ती कारण सांगते.

ड्रॉप लोकेशन अवघ्या १८० मीटरवर!

रायडर त्याच्या हेड कॅमेरासह त्या मुलीकडे पोहोचतो, तेव्हा तो तिला राईड सुरू करण्यासाठी ओटीपी मागतो. ओटीपी शेअर केल्यानंतर, ड्रायव्हरला तिचे ड्रॉप लोकेशन कळते. ते अवघ्या १८० मीटर अंतरावर असते. त्यानंतर तो मुलीला याबद्दल विचारतो. उत्तर देताना ती सांगते की, पुढच्या रस्त्यावर कुत्रे आहे. या कुत्र्यांपासून बचाव करण्यासाठी तिने ही राईड बुक केली आहे. यानंतर ती मुलगी बाईकवर बसते आणि ती तिच्या ठिकाणी पोहोचताच राईड संपते. त्यानंतर रायडर तिच्याकडे १९ रुपये मागतो. त्यांचा हा ६० सेकंदांचा व्हिडीओ  इंस्टाग्रामवर खूप व्हायरल झाला आहे.

कमिशनचे पैसे डॉगेश भाऊंना! 

इन्स्टाग्रामवर ही रील 'rohitvlogster'ने पोस्ट केली आहे. आतापर्यंत या रीलला ४५ लाखांहून अधिक व्ह्यूज आणि १ लाखांहून अधिक लाईक्स मिळाले आहेत. तर, पोस्टवर १४०० हून अधिक कमेंट्स देखील आल्या आहेत. एका वापरकर्त्याने कमेंटमध्ये लिहिले की,"भाऊ ते कामिशनचे पैसे आता डॉगेश भाऊंना द्या." दुसऱ्या वापरकर्त्याने लिहिले की, "एका मुलीला सुरक्षित तिच्या ठिकाणी पोहोचवल्याबद्दल धन्यवाद भाऊ." आणखी एका वापरकर्त्याने म्हटले की, "इंजेक्शन घेण्याऐवजी १९ रुपये देणे चांगले."