जंगलात तोच जगू शकतो ज्याच्याकडे जगण्याची आणि कोणत्याही परिस्थितीचा सामना करण्याची योग्यता असते. जंगलात कोण कधी कुणाची शिकार करेल याचा काहीच नेम नाही. हत्ती आणि मगरींच्या फाइटचे (Elehant and crocodile Fight Video) अनेक किस्से तुम्ही ऐकले असतील. काही व्हिडीओही पाहिले असतील. असाच एक हत्ती आणि मगरीचा व्हिडीओ सध्या सोशल मीडियावर (Social Viral Video) धुमाकूळ घालत आहे.
व्हिडीओत बघू शकता की, हत्ती चांगलाच रागावलेला आहे. तो पाण्यात उभा आहे आणि त्याच्या पायाजवळ मगर आहे. हत्ती आधी तर मगरीला पायाने मारतो नंतर तिच्यावर जोर देऊन हल्ला करतो.
मोठ मोठ्या प्राण्यांना पाणी पाजणारी मगर हत्तीच्या संतापासमोर गुडघे टेकताना दिसत आहे. हा व्हिडीओ @hgsdhaliwalips ने आपल्या ट्विटर अकाऊंयवर शेअर केला आहे. हत्ती यात मगरीला पलटी करताना दिसत आहे. शेवटी हत्ती मगरीची शेपटी तोंडात धरून तिला फेकताना दिसतो. नंतर मगरीला बाजूला करून हत्ती पाणी पितो. हा व्हिडीओ कुठला आहे हे समजू शकलं नाही. पण हे बघितल्यावर नक्कीच म्हणता येईल जंगलाचा खरा राजा हत्तीच आहे.
असाच एक व्हिडीओ काही दिवसांपूर्वी @irsankurrapria ने शेअऱ केला होता. यात एक हत्ती पाणी पित असतो आणि अचानक त्याच्यावर मगर हल्ला करते. मगर हत्तीची सोंड पकडते. हत्ती जोरात ओऱडतो आणि मागून एक दुसरा हत्ती त्याच्या मदतीसाठी येतो आणि मगरीला पळवून लावतो.